باس قالادا «جان جىلۋى» قايىرىمدىلىق شاراسى اياسىندا قالالىق جاستار ساياساتى ماسەلەلەرى باسقارماسىنىڭ قولداۋىمەن «ەتىك كيگەن مىسىق» ءمۋلتفيلمى تەگىن كورسەتىلدى.
«جاس سارباز» جاسوسپىرىمدەر اسكەري-پاتريوتتىق قوزعالىسى استانا قالالىق فيليالى ۇيىمداستىرعان كورسەتىلىمدى بالالار ءۇيىنىڭ جانە «جاس سارباز تاربيەلەنۋشىلەرى, بارلىعى 50 بالا تاماشالادى.
«كورسەتىلىم ماقساتى – بالالار ءۇيىنىڭ تاربيەلەنۋشىلەرىنە بارىنشا قولداۋ كورسەتىپ, «جاس سارباز» قاتارىنا تارتۋ. بۇگىنگى شاراعا استانا قالاسى اكىمدىگىنىڭ «قيىن ءومىر جاعدايىنداعى بالالاردى قورعاۋ ورتالىعى» مەكەمەسىنىڭ جانە «جاس سارباز» تاربيەلەنۋشىلەرى كەلدى. وسىنداي قايىرىمدىلىق شارالارىن اي سايىن وتكىزەمىز. بۇل كومەك رەتىندە عانا ەمەس, استانا بالالارىنىڭ پايدالى مادەني دەمالىسى ءۇشىن دە ۇيىمداستىرىلادى» دەدى «جاس سارباز» جاسوسپىرىمدەر اسكەري-پاتريوتتىق قوزعالىسى استانا قالالىق فيليالى جەتەكشىسى اسحات نالشىبەك.
قايىرىمدىلىق شاراسىنا قوسىلعان «كينوپارك» كينوتەاترى ۇجىمى بالالارعا تاتتىلەردى تەگىن تاراتتى.
دانا امانگەلدى
