باس قالادا باس شىرشا شامى جارقىرادى

كەشە EXPO كورمەسىنىڭ اۋماعىندا ەلىمىزدەگى باس شىرشانىڭ شامى قوسىلدى.سالتاناتتى جيىندا ءسوز العان ەلوردا اكىمى التاي ­كولگىنوۆ ەلوردالىقتاردى الداعى جاڭا جىل مەرەكەسىمەن قۇتتىقتاي كەلە:
– بيىل دا بىرقاتار جەتىستىككە قول جەتكىزدىك. قالامىز كۇن ساناپ كوركەيۋدە. بالالارعا ارناپ مەكتەپ, بالاباقشا, سپورت نىساندارىن سالدىق. جاستار جىلىندا جۇمىس ىستەيتىن جاس ەلوردالىقتار 1050 پاتەرگە يە بولدى. بۇدان بولەك, الەۋمەتتىك وسال توپتار دا باسپانامەن قامتىلۋدا, جاقىن ارادا ولارعا تاعى 600 پاتەردىڭ كىلتىن تابىستايمىز. لايىم وسىنداي يگىلىكتەر كوبەيە بەرسىن, – دەدى.
ايتا كەتەيىك, باس شىرشا شامى وسىمەن ءۇشىنشى جىل قاتارىنان EXPO كورمەسىنىڭ اۋماعىندا جاعىلۋدا. اتالعان نىساننىڭ ماڭىندا جاڭا جىلدىق ينستاللياتسيالار مەن مۇزدان جاسالعان مۇسىندەر, سونداي-اق سىرعاناقتار مەن توبەشىكتەر ورناتىلعان.