قازىر ەلوردادا قالا تىرشىلىگىن قامتاماسىز ەتۋ بويىنشا بارلىق باعىتتاردا بەلسەندى جۇمىس جۇرگىزىلىپ جاتىر. بيىل نۇر-سۇلتان قالاسىنىڭ باس جوسپارىنا تۇزەتۋلەر ەنگىزۋ باستالدى. بارلىق جوسپارلانعان جۇمىستار قالانىڭ شەبەر-جوسپارىنا ساي جۇرگىزىلۋدە.
«استانا باس جوسپارى» عزجي» جشس بازاسىندا نۇر-سۇلتان قالاسى قوعامدىق كەڭەسىنىڭ وتىرىسى ءوتتى. جيىنعا قالا اكىمىنىڭ ورىنباسارى نۇرلان نۇركەنوۆ قاتىسىپ, شاھاردا اتقارىلىپ جاتقان ماڭىزدى جۇمىستار جايلى اڭگىمەلەدى. قالا باسشىسىنىڭ ورىنباسارى الەۋمەتتىك جانە قولجەتىمدى باسپانانىڭ قۇرىلىسى, 3-جەو-نى سالۋدى اياقتاۋ جۇمىستارى
تۋرالى ايتىپ, باسقا دا وزەكتى ماسەلەلەرگە توقتالدى.
شاھاردا اتقارىلىپ جاتقان جۇمىستار جايلى قالالىق ساۋلەت, قالا قۇرىلىسى جانە جەر قاتىناستارى باسقارماسىنىڭ باسشىسى نۇرلان ۇرانحاەۆ تولىعىراق اڭگىمەلەدى. ونىڭ سوزىنشە, اتالمىش باسقارمانىڭ باستى باعىتتارى – ەلوردانى ودان ءارى دامىتۋدىڭ باس جوسپارىن ىسكە اسىرۋ, ساۋلەت, قالا قۇرىلىسى جانە جەر قاتىناستارى سالالارىندا تۇرعىندارعا قىزمەت كورسەتۋ, سالىنىپ جاتقان نىساندارعا مونيتورينگ جۇرگىزۋ.
باس جوسپاردى ىسكە اسىرۋ اياسىندا وتكەن جىلدىڭ قاراشا ايىندا ەلوردانى دامىتۋداعى ۇلكەن ماڭىزعا يە ءتورت ءىرى جوبانى ازىرلەۋ باستالدى. قازىر جەكە ينۆەستيتسيالار ەسەبىنەن كلينيكو-دياگنوستيكالىق ورتالىق, زاماناۋي جىلىجاي كەشەنى, ەلەكتروبۋستار پاركى, ەت وڭدەۋ كەشەنى سىندى ءىرى ينۆەستيتسيالىق جوبالار ىسكە اسىرىلىپ جاتىر.
وتكەن جىلى قازاق دراما تەاترى, جەڭىل اتلەتيكالىق مانەج پايدالانۋعا بەرىلدى. وسى جىلدىڭ اياعىنا دەيىن 30 مىڭ ورىندىق جاڭا مەشىت پەن «ابۋ دابي پلازا» كوپفۋنكتسيونالدى كەشەنىن تاپسىرۋ جوسپارلانىپ وتىر. وتكەن جىلى ەلوردانىڭ شەبەر-جوسپارى بەكىتىلدى. بۇل تەحنيكالىق قۇجاتتا كورسەتىلگەن جۇمىستار باس جوسپارمەن قاتار جۇرگىزىلەدى. شەبەر-جوسپاردا قالانى دامىتۋداعى بيۋدجەتتىك, دەموگرافيالىق, الەۋمەتتىك, باسقا دا ماڭىزدى جۇمىستار كورسەتىلگەن. سوعان سايكەس قوعامدىق كەڭىستىكتەردى قۇرۋ, اۋلالاردى جاڭعىرتۋ, «جاسىل ايماق» جوباسىن ىسكە اسىرۋ, باسپانا مەن ءبىلىم نىساندارىن, دەنە شىنىقتىرۋ-ساۋىقتىرۋ كەشەندەرىن سالۋ جۇرگىزىلىپ جاتىر.
