الداعى 10 قاڭتاردا وتەتىن سايلاۋالدى ۇگىت-ناسيحات جۇمىستارى جالعاسىپ جاتىر.
نۇر-سۇلتان قالالىق ءماسليحاتتىڭ دەپۋتاتتىعىنا ۇمىتكەرلەر: №3 كوپبەيىندى قالالىق اۋرۋحانانىڭ باس دارىگەرى زايتۋنا حاميدۋللينا, «تۇران-استانا» ۋنيۆەرسيتەتىنىڭ رەكتورى گۇلجامال جاپاروۆا, تەحنولوگيالىق كوللەدج ديرەكتورى ءلاززات تۋلەۋحانوۆا Zووم فورماتىندا №2 قالالىق بالالار اۋرۋحاناسى قىزمەتكەرلەرىمەن كونفەرەنتسيا وتكىزدى.
– 2020 جىل ءبارىمىز ءۇشىن اۋىر سىناقتار جىلى بولعانىن بارشاڭىز بىلەسىزدەر. الەمدى جايلاعان كوروناۆيرۋس ءومىرىمىزدى وزگەرتىپ, قۇندىلىقتارىمىزدى قايتا قاراۋدى تالاپ ەتتى. سويتە تۇرا ءبىز ادام ءومىرى مەن دەنساۋلىعىنان اسقان اسا قۇندى نارسە جوق ەكەندىگىنە تاعى دا كوز جەتكىزدىك, – دەدى زايتۋنا حاميدۋللينا. ول ىندەتپەن كۇرەسكە جۇمىلدىرىلعان 5 مىڭداي مەديتسينا قىزمەتكەرلەرىنىڭ ماتەريالدىق جاعىنان قامتاماسىز ەتىلگەنىن ايتتى. سونىمەن بىرگە ەلوردادا سالىناتىن بىرنەشە دەنساۋلىق ساقتاۋ نىساندارى مەديتسينا قىزمەتىنىڭ ساپاسىن ارتتىرىپ, قولجەتىمدى بولاتىنىن ايتتى.
تەحنولوگيالىق كوللەدج ديرەكتورى ءلاززات تۋلەۋحانوۆا Nur Otan پارتياسىنىڭ سايلاۋالدى باعدارلاماسىنىڭ ەرەكشەلىگىنە توقتالدى: «ءبىرىنشى كەزەكتە الەۋمەتتىك ماسەلەلەرگە ەرەكشە ءمان بەرىلەدى. باس قالامىزدىڭ مىسالىندا ناقتىلاپ ايتساق, ونى دامىتۋعا قاتىستى ون ماسەلەنى العا قويىپ وتىر. بۇل ماسەلەلەردىڭ شەشۋ جولدارىنا الداعى بەس جىل مەرزىمى بەرىلىپ, وسى بەس جىلدا ناتيجەگە قول جەتكىزۋ كوزدەلىپ وتىر».
كەلەسى ۇمىتكەر «تۇران-استانا» ۋنيۆەرسيتەتىنىڭ رەكتورى گۇلجامال جاپاروۆا قالامىزداعى كۇردەلى سۇراقتاردىڭ ءبىرى تۇرعىن ءۇي, گازداندىرۋ جانە تسيفرلاندىرۋ ماسەلەسىنە توقتالدى. وتكەن جىلدىڭ باسىندا قالادا 52 پروبلەمالى قۇرىلىس نىسانى بولدى. ال سول جىلدىڭ اياعىندا ون نىسان سالىنىپ ءبىتتى.
ەندىگى ءبىر ماسەلە – قالانىڭ شەتكى ايماقتارى. پارتيانىڭ باستاماسىمەن كوكتال, ينتەرناتسيونالنىي, ميچۋرين, وڭتۇستىك-شىعىس جانە جەلەزنودوروجنىي تۇرعىن ءۇي الاپتارىنىڭ جولدارىن جوندەۋ جۇمىستارى اياقتالىپ, الداعى جىلدارى 6 مەكتەپ, 4 سپورت كەشەنىن, ساياباقتار سالىپ, اۋلالاردى اباتتاندىرۋ, جىلۋ, سۋ كارىزدەرىن سالۋ مىندەتى تۇرعانىن ايتتى. بۇگىندە ۇركەرگە جارىق, سۋ جەتكىزىلىپ, جول سالىنعان.