ءىىد جەرگىلىكتى پوليتسيا قىزمەتى جول-پاترۋلدىك پوليتسياسىنىڭ قىزمەتكەرى ارمان بالتاباەۆ التى جاسار بالانىڭ جوعارى قاباتتان قۇلاۋىنا جول بەرمەدى.
وقيعا بيىل 20 ماۋسىم كۇنى استانا قالاسىندا بولدى. ساعات 16:47 كەتكەندە جەدەل باسقارۋ ورتالىعىنا قوبىلاندى باتىر كوشەسىندەگى توعىز قاباتتى ءۇيدىڭ تەرەزەسى الدىندا ەكى بالانىڭ ويناپ جۇرگەنى تۋرالى اقپارات كەلىپ تۇسكەن. تەز ارادا وقيعا ورنىنا پوليتسيا اعا لەيتەنانتى ازامات بالتاباەۆ پەن سەرجانت تيمۋر شىنداۋلەتوۆ جەتەدى.
«بىزدەن كەيىن ارتىنشا توتەنشە جاعدايلار دەپارتا مەنتىنىڭ قىزمەتكەرلەرى كەلدى. ءبىز كولىك ساتىسى ارقىلى جوعارى قاباتقا دەرەۋ كوتەرىلىپ, ۇيگە كىردىك. ۇيدە 8 جانە 6 جاستاعى ەكى بالا بار ەكەن. ولاردى اتاانالارى قۇلىپتاپ كەتىپتى. تەرەزە الدىنا ءمىنىپ-تۇسىپ ويناپ جۇرگەنىن كۋاگەرلەر كورگەن. تاعى قاي تالاماس ءۇشىن ەكى بالانى دا كيىن ءدىرىپ, تەرەزە ارقىلى ساتىمەن تومەنگە الىپ ءتۇستىم» دەيدى ول.
2013 جىلدان بەرى وسى سالادا ەڭبەك ەتىپ كەلە جاتقان ازامات بۇدان ءبىر جىل بۇرىن فرانتسيا ازاماتى جورج كيەففەرمەن بىرگە ەر ادامنىڭ سۋعا باتىپ كەتۋىنە دە جول بەرمەي, امان الىپ قالعانى بەلگىلى. ارىپتەستەرى اراسىندا بەيبىت كۇننىڭ باتىرى اتانعان پوليتسيا اعا لەيتەنانتى «استانا اقشامى» گازەتىنە بەرگەن سۇحباتىندا بۇل جاي عانا قىزمەتتىك مىندەتى ەكەنىن ايتىپ اقتارىلدى.
گۇلميرا ايماعانبەت
