ەلوردادا قالانى اباتتاندىرۋ سالاسىنداعى كەمشىلىكتەردى انىقتاۋعا باعىتتالعان جاستار قوزعالىسى باستالدى.
بەلسەندىلەر رەسپۋبليكا داڭعىلىندا ورنالاسقان ءبىر- نەشە عيماراتتاردى ارالاپ شىقتى. ناقتىراق ايتساق, ولار كاسىپكەرلىك نىسانداردى, مادەني, سپورت, ءبىلىم, دەنساۋلىق ساقتاۋ مەكەمەلەرىن, تۇرعىن ۇيلەردى, قۇرىلىس الاڭدارىن تەكسەرىپ, باعالادى.
جاستار قوزعالىسىنىڭ ماقساتى – جوعارىدا اتالعان نىسانداردىڭ اۋماعىندا تازالىقتى ساقتاۋىن قاداعالاۋ. ەشقانداي ەسكەرتۋلەر بولماعان عيماراتتاردىڭ قاسبەتتەرىنە «وتە جاقسى» دەگەن باعانى بىلدىرەتىن سمايل, ال اۋماعىن جيناۋدى قاجەت ەتەتىن نەمەسە ءتىپتى تازالانباعان كاسىپورىندارعا «بۇل جەردى جينا» دەگەن بەلگىنى بىلدىرەتىن قىزىل سمايلجابىستىرىلادى.
جاڭا جوبا قالا اكىمى اسەت يسەكەشەۆتىڭ باستاماسىن قولداۋ ماقساتىندا قۇرىلدى. ەلوردا باسشىسى جاستارعا بەلسەندىلىك تانىتىپ, بەس جوبانى قولعا الۋدى ۇسىندى. ولار «استانا – دەنى ساۋ جانە سپورت سۇيەتىن ادامداردىڭ قالاسى», «استانا – Smart City», «اق- جارقىن استانا», «استانا – تازا قالا» جانە «استانا – مەيىرىمدى جانە ءجۇزى جىلى ادامدار قالاسى» دەپ اتالادى. اتالمىش شارادا قوزعالىسقا قاتىسۋشىلار سوڭعى ەكى باعىتتى بىرىكتىرىپ, قالانىڭ جاقسارۋىنا ءوز ۇلەستەرىن قوستى.
گۇلدانا تالعاتقىزى
