«بەرەكەلى باسپانا» جالدامالى تۇرعىن ءۇي بويىنشا قالالىق باعدارلاماسى اياسىندا جۇمىسپەن قامتۋ جانە الەۋمەتتىك قورعاۋ باسقارماسى قۇجاتتاردى قابىلدايدى.
بۇل باعدارلاماعا «التىن القا», «كۇمىس القا» القالارىمەن ناگرادتالعان نەمەسە بۇرىن «باتىر انا» اتاعىن العان, سونداي-اق I جانە II دارەجەلى «انا داڭقى» وردەندەرىمەن ماراپاتتالعان كوپبالالى انالار, تۇرعىن ءۇي كەزەگىندە تۇرعان كوپبالالى وتباسىلار قاتىسا الادى.
پاتەرلەر سانى: 150.
تۇرعىن ءۇي ءتۇرى:
جەكەشەلەندىرۋگە قۇقى جوق.
قۇجاتتاردى قابىلداۋ مەرزىمى: 4 ماۋسىمنان 17 ماۋسىمعا دەيىن.
قويىلاتىن تالاپ: «كوپبالالى وتباسى» ساناتى بويىنشا نۇر-سۇلتان قالاسىندا تۇرعىن ءۇي كەزەگىندە تۇرۋ.
تۇرعىن ۇيگە ۇمىتكەرلەر
كەلەسى قۇجاتتاردى
تاپسىرۋى كەرەك:
1) ءوتىنىش;
2) ءوتىنىش بەرۋشى مەن ونىڭ وتباسى مۇشەلەرىنىڭ جەكە باسىن كۋالاندىراتىن قۇجات;
3) ءوتىنىش بەرۋشىنى جانە ونىمەن تۇراقتى بىرگە تۇراتىن وتباسى مۇشەلەرىن تۇرعىلىقتى جەرى بويىنشا تىركەۋ تۋرالى مەكەنجاي انىقتاماسى;
4) نەكە قيۋ/نەكەنى بۇزۋ, جۇبايىنىڭ/زايىبىنىڭ قايتىس بولۋى, بالالاردىڭ تۋ تۋرالى كۋالىكتەرى, ءوتىنىش بەرۋشىنىڭ نەكەدە تۇرمايتىندىعى تۋرالى نوتاريات كۋالاندىرعان ءوتىنىش;
5) ءوتىنىش بەرۋشىنىڭ جانە ونىمەن تۇراقتى بىرگە تۇراتىن وتباسى مۇشەلەرىنىڭ قازاقستان رەسپۋبليكاسىنىڭ اۋماعى بويىنشا مەنشىك قۇقىعىنداعى ءۇيىنىڭ نەمەسە ساتىپ الۋمەن جالدامالى تۇرعىن ءۇيىنىڭ بار نەمەسە جوق ەكەندىگى تۋرالى انىقتاما;
6) جىلجىمايتىن مۇلىككە تىركەلگەن قۇقىقتار جانە ونىڭ تەحنيكالىق سيپاتتامالارى (بالشىقتان قۇيىلعان جانە قاڭقالى-قامىستى تۇرعىن ۇيدەگى, جاتاقحاناداعى بولمەدە ۇلەسى بولعان كەزدە) تۋرالى انىقتاما, سونداي-اق اتالعان جاعدايلاردا مەنشىك قۇقىعىنىڭ تۋىنداۋىن راستايتىن قۇجاتتار;
7) نۇر-سۇلتان قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسىنان حالىقتىڭ الەۋمەتتىك وسال توپتارىنا جاتاتىن ازاماتتار (2011 جىلدىڭ 15 جەلتوقساننان باستاپ كەزەكتە تۇرعاندار) الەۋمەتتىك قورعاۋ ورگانىنان كۇنكورىستىڭ ەڭ تومەنگى دەڭگەيىنىڭ 3,1 ەسە مولشەرىن راستايتىن جيىنتىق تابىستىڭ ەسەبىن بەرەتىن انىقتاماسى (دوستىق كوشەسى, 13-ءۇي, №11 ۇستەل).
قۇجاتتاردى قابىلداۋ نۇر-سۇلتان قالاسى اكىمدىگىنىڭ «تۇرعىن ءۇي قورى» كمم-دە ر.قوشقارباەۆ داڭعىلى, 39 (ر.قوشقارباەۆ-م.جۇماباەۆ قيىلىسى, «بارىس» تك ايالداماسى) مەكەنجايىندا قابىلدانادى.
جۇمىس ۋاقىتى ساعات 8.30-دان 17.00-گە دەيىن. تۇسكى ءۇزىلىس ساعات 13.00-دەن 14.30-عا دەيىن.
