نۇر-سۇلتان قالاسىنىڭ باس مەملەكەتتىك سانيتار دارىگەرى جاننا پىراليەۆا اتاپ وتكەندەي, ماسكا تاعۋ قازىر ومىرلىك قاجەتتىلىككە اينالدى. بۇل جاقىندارىڭىز بەن جانىڭىزداعى وتانداستارىڭىزدى قاۋىپتى اۋرۋدان ساقتاي الادى. كوبىنە قالا تۇرعىندارى ماسكانى يەگىنە تاعىپ, بىرنەشە كۇندە ءبىر اۋىستىرادى. بۇل مۇلدەم دۇرىس ەمەس, ويتكەنى وسىلايشا ولار ءوزىنىڭ عانا ەمەس, وزگەنىڭ دە ومىرىنە قاۋىپ توندىرەدى.
«بۇگىندە بارلىق قوعامدىق ورىنداردا ماسكا تاعۋ قاجەت, ولار بارىنە مىندەتتى بولۋى كەرەك جانە مۇنى دۇرىس جاساۋ ماڭىزدى. ماسكانى ۇيدەن شىعار الدىندا تاعۋى ءتيىس. ەڭ دۇرىسى, ماسكا بەتكە تىعىز ورنالاسىپ, يەكتى جاۋىپ تۇرۋى شارت. ونى مۇرىننان تومەندەتۋگە بولمايدى, سەبەبى بۇل – ورەسكەل بۇزۋشىلىق. كوشەدە ماسكانى ۇستاماۋعا تىرىسىڭىز, ورنىن اۋىستىرماڭىز, ونى يەككە جانە ارتقا قاراي جىلجىتپاڭىز. ماسكانىڭ جوعارعى بولىگىندە مۇرىنعا تىعىز باسۋعا مۇمكىندىك بەرەتىن يكەمدى مەتالل سىم بار. سونىمەن قاتار بۇل قورعانىس قۇرالىن ەكى ساعات سايىن اۋىستىرىپ وتىرۋ, ەسكىرگەندەرىن ارنايى قوقىس جاشىكتەرىنە لاقتىرۋ كەرەك» دەيدى ەلوردانىڭ باس مەملەكەتتىك سانيتار دارىگەرى.
ەگەر ءسىز قايتا قولدانۋعا بولاتىن ماسكا ساتىپ العان بولساڭىز, ونى قولدانعاننان كەيىن كىر سابىنمەن نەمەسە ارناۋلى جۋعىش زاتپەن جۋ كەرەك. سودان كەيىن ونى ۇتىكتەڭىز, قورعانىس قۇرالىن دىمقىل تۇردە پايدالانۋعا بولمايدى. دارىگەرلەردىڭ ايتۋىنشا, ماسكالار – بۇگىندە COVID-19 اۋرۋىنا قاتىستى احۋالدى باقىلاۋدا ۇستاۋعا مۇمكىندىك بەرەتىن قۇرالداردىڭ ءبىرى.
«ماسكاسىز سەرۋەندەگەن ادامعا جازا قاراستىرىلعان, پوليتسيا اكىمشىلىك حاتتاما جاسايدى. كارانتين رەجيمىن جانە جەكە تۇلعالارعا ارنالعان سانيتارلىق-ەپيدەميولوگيالىق تالاپتاردى بۇزعانى ءۇشىن ايىپپۇل مولشەرى 30 اەك نەمەسە 83 340 تەڭگەنى قۇرايدى» دەپ اتاپ ءوتتى جاننا پىراليەۆا.
14 قازاننان باستاپ ەلوردادا كارانتين رەجيمى كۇشەيتىلدى. نوتاريۋستاردىڭ, بيزنەس ورتالىقتارىنىڭ, ويىن-ساۋىق مەكەمەلەرىنىڭ جۇمىس ۋاقىتى قىسقاردى. كوروناۆيرۋسقا پتر-تەست تاپسىرعىسى كەلەتىندەر ءۇشىن ەلوردادا 15 پۋنكت بار, بۇل قىزمەتتىڭ ورتاشا باعاسى 10 مىڭ تەڭگەنى قۇرايدى.
