ەلوردالىق ءبىلىم بەرۋ وردالارىندا كاسىبي بىلىكتى ماماندار تاپشى. وسىنداي شەشىمگە كەلگەن قالالىق ءبىلىم بەرۋ باسقارماسى مۇعالىمدەرگە ارنالعان جۇمىس جارمەڭكەسىن ۇيىمداستىردى.
جاڭا وقۋ جىلى قارساڭىندا وتكەن جارمەڭكەگە 84 مەكتەپ پەن 94 بالاباقشانىڭ وكىلدەرى قاتىستى. ناتيجەسىندە مەكتەپ مۇعالىمدەرىنىڭ – 437, ال مەكتەپكە دەيىنگى مەكەمەلەرگە 19 ماماننىڭ تۇيىندەمەسى كەلىپ ءتۇستى.
بيىل قالادا وقۋشىلارعا بىرنەشە ءبىلىم ورداسىنىڭ ەسىگى اشىلاتىنى بەلگىلى. جاڭا مەكتەپتەرگە تاجىريبەلى مامانداردى ىزدەستىرۋ ماقساتىندا باسقارما ماماندارى مەن مەكتەپ ديرەكتورلارىنان جۇمىس توبى قۇرىلىپ, ولار استاناعا جاقىن ماڭدا ورنالاسقان قالالاردى ارالادى.
– جۇمىس توبى ساپارمەن كوكشەتاۋ, قاراعاندى, قوستاناي, پاۆلودار جانە ارقالىققا بارىپ قايتتى. وندا ماماندار جوعارى وقۋ ورىندارى مەن كوللەدج تۇلەكتەرىمەن كەزدەسىپ, ەلوردالىق ۇستاز اتانۋدىڭ ارتىقشىلىقتارىن ءتۇسىندىردى. بىزدە مەكتەپتەردىڭ ماتەريالدىق بازاسى بەكىتىلگەن. پەداگوگتار حالىقارالىق, رەسپۋبليكالىق كونفەرەنتسيالاردا ءسوز سويلەپ, وسى سالاداعى بەلگىلى مامانداردان تاجىريبە جيناقتاۋعا مۇمكىندىگى بار. وڭىرلەردەگى مامانداردى استاناعا قونىس اۋدارىپ, ءوز بىلىكتىلىگىن ارتتىرۋعا شاقىرامىز. سەبەبى ءبىلىم بەرۋ سالاسىنداعى سوڭعى جاڭالىقتار ءدال وسى قالادا جاريا ەتىلىپ, جاڭا ءادىستەرمەن جۇمىس ىستەۋگە بولادى, – دەگەن پىكىرىن ءبىلدىردى باسقارمانىڭ اكىمشىلىك-قۇقىق ءبولىم باسشىسى جاڭىل قىلىشپاەۆا.
سۇرانىسقا يە مامانداردىڭ قاتارىندا مەكتەپكە دەيىنگى ءبىلىم بەرەتىن تاربيەشىلەر, باستاۋىش سىنىپ مۇعالىمدەرى, ورىس ءتىلى, اعىلشىن ءتىلى, ادەبيەت, ماتەماتيكا پاندەرىنىڭ مۇعالىمدەرى بار. ايماقتاعى مۇعالىمدەردى ىنتالاندىرۋ ءۇشىن قالالىق اكىمدىك ولارعا جاتاقحانا ءبولىپ وتىر. سونداي-اق, ءبىلىم بەرۋ سالاسىندا ەڭبەك ەتىپ جۇرگەندەر ارنايى حوستەلدە دە تۇرا الادى. بولاشاقتا جاس وتباسىلارعا شاعىن پاتەرلەردىڭ قۇرىلىسى جۇرگىزىلەدى دەپ جوسپارلانۋدا. استانادا جۇمىس ىستەۋگە نيەتتى ۇستازدار اراسىندا كونكۋرس وتكىزىلىپ, لاۋازىمعا قابىلدانادى. كوميسسيا مۇشەسىنە مەكتەپ اكىمشىلىگىمەن قاتار اتا-انالار كوميتەتى دە كىرەدى.
جارمەڭكەگە كەلگەن اعىلشىن ءتىلىنىڭ مۇعالىمى نۇرسۇلۋ جۇماشەۆا ءوز ماماندىعى بويىنشا بۇرىن-سوڭدى جۇمىس ىستەمەگەن. دەگەنمەن رەپەتيتور بولىپ, كەيىن مەملەكەتتىك قىزمەت ىستەپ, اقىرى جانىنا جاقىنى مۇعالىم ەكەنىن تۇسىنگەن. «ۇستازدارعا ارنالعان جارمەڭكە وتكىزىلەتىنىن ءبىلىپ, قۋاندىم. سەبەبى مۇعالىم بولۋ – مەن ءۇشىن ۇلكەن مارتەبە. قالاعان جۇمىس ورنىن وسىندا تابامىن دەپ ۇمىتتەنەمىن» دەدى ول.
جۇمىس ىزدەپ جۇرگەن مۇعالىمدەر ءۇشىن ءار سەنبى كۇنى (18 جانە 25 تامىزدا) بوس ورىندار جارمەڭكەسى وتكىزىلەتىن بولادى. ۇمىتكەرلەر اڭگىمەلەسۋگە ساعات 10:00-دەن ساعات 13:00-گە دەيىن كەلە الادى.
