باس قالادا الەۋمەتتىك از قامتىلعان وتباسىلاردان شىققان بالالارعا ارنالعان تاعى ءبىر Bilim all ورتالىعى جۇمىس ىستەيدى.
Bilim all وقۋ ورتالىعىن ەسىل اۋدانىندا Strong Mothers Ns قوعامدىق قورى اشتى. مۇنداي ەكى ورتالىق وسىعان دەيىن سارىارقا جانە بايقوڭىر اۋداندارىندا ورنالاسقان.
«بۇگىن ءبىز ءۇشىنشى Bilim all ءبىلىم بەرۋ ورتالىعىنىڭ اشىلۋىندا تۇرمىز. ورتالىقتى نۇر-سۇلتان قالاسى اكىمدىگىنىڭ جانە دەمەۋشىلەردىڭ قولداۋىمەن حالىقتىڭ الەۋمەتتىك وسال توپتارىنان شىققان ادامدار, كوپبالالى انالار اشقانى قۋانتادى. بۇل حالىقتىڭ الەۋمەتتىك وسال توپتارىنىڭ وكىلدەرى ءوز بيزنەسىن دامىتا الاتىندىعىن دالەلدەيدى. بۇل جەردە حالىق ءۇشىن ەڭ باستىسى قولجەتىمدىلىك بار» دەدى ورتالىقتىڭ اشىلۋىندا نۇر-سۇلتان قالاسى اكىمىنىڭ كەڭەسشىسى قۋانىش مولدابەك.
Strong Mothers Ns قوعامدىق قورىنىڭ باسشىسى ءارى الەۋمەتتىك كاسىپكەر رايگۇل سەرىكباەۆانىڭ ايتۋىنشا, ورتالىقتار جەلىسىن اشۋعا كوپبالالى انا بولعانى ءارى ءوزىنىڭ تاجىريبەسى اسەر ەتكەن.
«مەن اعىلشىن ءتىلىنىڭ ۇستازىمىن جانە سەرىكتەستەرىم دە مۇعالىم, سوندىقتان ءبىز بىرگە Bilim All جوباسىن اشۋدى ۇيعاردىق. مەن, انا رەتىندە, بالالارىمدى وقىتۋدا قيىندىقتارعا تاپ بولدىم: ءبارى قىمبات جانە الىس. كوپبالالى وتباسىلاردان شىققان بالالاردىڭ قولجەتىمدى قوسىمشا ءبىلىم الۋىنا مۇمكىندىگى جوق. مۇنداي بالالارعا كومەكتەسۋ مەنىڭ ارمانىم بولدى. حالىقتىڭ الەۋمەتتىك وسال توپتارىنا ء(حاوت): كوپبالالى وتباسىلاردان شىققان بالالار, مۇگەدەكتىگى بار جانە تولىق ەمەس وتباسىلاردان شىققان بالالار جاتادى» دەدى قوعامدىق قور باسشىسى.
