ءبىر جۇتىم سۋ

ديەتولوگ ماريات مۋحينا ادام اعزاسىنا پايدالى ازىقتاردى ەكشەپ الىپ, ميدىڭ جۇمىسىن جاقسارتاتىن تۇرلەرىن اتاپ وتكەن ەكەن.

ەستەرىڭىزدە ءجۇرسىن:
كوك-ءشوپتىڭ قۇرامىندا ايىرىقشا ميكروەلەمەنت – ليۋتەين بار. ول جەتىسپەسە كوزدىڭ كورۋى ناشارلاپ, جاساۋراپ, تەز شارشايدى. سول سەبەپتى اسكوكتەن باستاپ اقجەلكەن, شپينات سياقتى وسىمدىكتەردى داستارحاننان ۇزبەگەن ءجون.
جۇمىرتقانىڭ سارىسىندا ۆ4 دارۋمەنى بار. بۇل جادىمىزدى جاقسارتىپ, ەستە ساقتاۋ قابىلەتىمىزدى ارتتىرادى. باستىسى, ميدىڭ نەيروندارىن قالپىنا كەلتىرەدى, ال نەيروندار جۇيكەنىڭ جۇمىسىن جاقسارتىپ, كۇيزەلىسكە تۇسۋدەن ساقتايدى. ءميندالدىڭ قۇرامىندا ە دارۋمەنى كوپ. ساناڭىزدىڭ سەرگەك بولعانىن قالاساڭىز, اپتاسىنا ميندال جەۋدى ادەتكە اينالدىرىڭىز. ديەتولوگتار ومەگا 3 ي ومەگا 6 ماي قىشقىلدارىنىڭ پايداسىن ءجيى ايتادى. ميدى قالپىنا كەلتىرۋدە پايداسى مول. بۇل بالىق ونىمدەرىندە كوپ كەزدەسەدى. اۋىزسۋدىڭ مي جۇمىسىندا ورنى بولەك. ماماندار جارتى ساعات سايىن ءبىر جۇتىم سۋ ءىشىپ وتىرىڭىز دەپ كەڭەس بەرەدى. جۇتقان جۇتامايدى دەگەن.
ال كارديولوگتاردىڭ ەۋروپالىق قوعامى كۇنىنە 30 گر. تۇزدالماعان جاڭعاق جەۋدى ۇسىنادى. يران عالىمى نۋشين موحامماديفاردتىڭ ايتۋىنشا, ۇنەمى جاڭعاق جەۋدىڭ ارقاسىندا جۇرەك-تامىر اۋرۋلارىنان كەلگەن اجالدى 17 پايىزعا قىسقارادى ەكەن. ەۋروپالىق عالىمدار اپتاسىنا ەكى جاڭعاق جەگەندەر ينفاركتەن بولعان قاتەردىڭ الدىن الۋعا وڭ اسەرىن ايتتى.