كەشە قالالىق اكىمدىكتە «Skoda transportation» لوكوموتيۆ قۇراستىرۋ زاۋىتىنىڭ وكىلى, ورتالىق ازيا وڭىرىندەگى ساتۋ جونىندەگى ديرەكتورى رومان سوروكين «قازاقستان تەمىرجولى» اق-پەن جانە الەۋەتتى جەكە ارىپتەسىمەن كەزدەسۋ وتكىزدى.
كەزدەسۋدە قازاقستاندىق سەرىكتەسپەن بىرلەسكەن كاسىپورىن اشۋ ماسەلەسى تالقىلاندى. بۇدان بولەك, چەح تاراپى مەملەكەتتىك-جەكەمەنشىك ارىپتەستىك جوبالارىنا قاتىسۋ مۇمكىندىكتەرىن قاراستىرۋدا. «Skoda transportation» – «Škoda Holding» حولدينگىنىڭ قۇرامىنداعى لوكوموتيۆ قۇراستىرۋ كونگلومەراتى. زاۋىت چەحيانىڭ پلزەن قالاسىندا ورنالاسقان. وندا اۋىر ماشينا جاساۋعا قاجەتتى ءارتۇرلى ونەركاسىپتىك ونىمدەر, نەگىزىنەن, تەمىرجول كولىگىنىڭ جىلجىمالى قۇرامى شىعارىلادى.
ونلاين-كەزدەسۋ بارىسىندا تاراپتار نۇر-سۇلتان قالاسىندا بىرلەسكەن وندىرىستىك كاسىپورىن قۇرۋ ءۇشىن ايتارلىقتاي قىزىعۋشىلىق تانىتتى. «قازاقستان تەمىرجولى» اق وكىلدەرىمەن ونلاين-كەزدەسۋ بارىسىندا قازاقستان تەمىرجولدارى ءۇشىن جاڭا كولىك شەشىمدەرى ۇسىنىلدى. قازاقستان تاراپىنىڭ وكىلدەرى ۇسىنىلعان جىلجىمالى قۇرامداردى ساتىپ الۋعا قىزىعۋشىلىق تانىتتى. الايدا كولىكتىڭ قازاقستاننىڭ اۋا رايى جاعدايلارىنا دايىندىعىن جانە بارلىق نورماتيۆتىك تالاپتارعا سايكەستىگىن مۇقيات زەردەلەۋ قاجەت.
