قارجىلىق مونيتورينگ اگەنتتىگى توراعاسىنىڭ ورىنباسارى جەڭىس ەلەمەسوۆ بيشىمباەۆتار وتباسىنىڭ اكتيۆتەرىنە قاتىستى پىكىر ءبىلدىردى, دەپ حابارلايدى astana-akshamy.kz
ءماجىلىس كۋلۋارلارىندا اگەنتتىك سوتتالعان قۋاندىق بيشىمباەۆتىڭ وتباسىنىڭ اكتيۆتەرىن تەكسەرۋ تۋرالى پەتيتسياعا قانشالىق نازار اۋداراتىنى سۇرالدى.
«جارايدى, مىندەتتى تۇردە نازار اۋدارامىز. (…) پەتيتسيانىڭ ناتيجەلەرىن كۇتىپ, ءبىر جاعىنان بۇل ماسەلەنى قاراستىرامىز. بۇعان مىندەتتى تۇردە نازار اۋدارامىز. ۋايىمداماڭىزدار, سىزدەرگە مىندەتتى تۇردە حابارلايمىز», – دەدى اگەنتتىك وكىلى.
ونىڭ ايتۋىنشا, بۇگىنگى تاڭدا قما بيشىمباەۆتار وتباسىنا قاتىستى ىستەردى تەرگەپ جاتقان جوق.
«بىزدە تىركەلگەن قىلمىستىق ىستەر جوق. بىراق زاڭسىز ساتىپ الىنعان قىلمىستىق كىرىستەر بويىنشا تەكسەرىستەردى تۇراقتى جۇرگىزەمىز. بۇل جۇمىستار بىزدە, ەگەر قىلمىستىق جولمەن الىنعان جانە زاڭداستىرىلعان قانداي دا ءبىر زاڭسىز كىرىستەر شىقسا, ءبىز ولاردى مىندەتتى تۇردە قىلمىستىق جاۋاپكەرشىلىككە تارتامىز», – دەدى ەلەمەسوۆ.
