جەتى جىلدان بەرى باس قالادا تۇرامىن, بالالىق شاعىم دا وسىندا ءوتتى, دوستارىم دا وسىندا. ۇزاق ۋاقىتتان بەرى تۇرىپ جاتقاندىقتان قالانىڭ ءار كوشەسى ىستىق. باسقا قالالاردا بولىپ كوردىم. بىراق استانا سياقتى اسەر بەرمەيدى. كوپشىلىگى ەلوردانىڭ «قىسى سۋىق» دەپ جاتادى. مەن ءۇشىن قالانىڭ قىسى دا, جازى دا ەرەكشە, باسقا قالاعا ۇقسامايدى. سوسىن استانانىڭ اسپانىن جاقسى كورەمىن. الماتىلىقتار استانادا تاۋ جوق دەپ ايتىپ جاتادى. بىراق كۇندىزگى جانە كۇن باتقان ۋاقىتتا قاراساڭىزدار, ادەمىلىكتى كورە الاسىزدار.
«جاستار», مۋزىكالىق جاس كورەرمەن, قاليبەك قۋانىشباەۆ اتىنداعى مەملەكەتتىك اكادەميالىق قازاق مۋزىكالىق-دراما تەاترىنداعى قويىلىمداردى اسىعىپ كۇتەمىن. جەتىسۋ جانە جەرۇيىق ساياباعىندا وڭاشادا سەرۋەندەگەندى جاقسى كورەمىن. كوپشىلىگى استانانى وڭ جانە سول دەپ ءبولىپ جاتادى عوي. بىراق وڭ جاعالاۋدا ناعىز قايناعان تىرشىلىكتى كورۋگە بولادى. ال سول جاعالاۋدىڭ عيماراتتارى ادەمى. سوندىقتان ەلوردامىز كۇننەن-كۇنگە ادەمىلەنگەن سايىن وعان دەگەن ماحابباتىم ارتىپ كەلەدى. بولاشاعىمدى استانامەن بايلانىستىرامىن. سەبەبى مۇمكىندىكتەر قالاسى دەپ ايتار ەدىم. جۋرناليستيكا سالاسىن تاڭداعاننان كەيىن ماماندىعىم بويىنشا تاجىريبە الماسۋعا دا وڭاي. مۇندا بارلىق باق بار. بۇل تۇرعىدا ءوزىم وقىپ جاتقان وقۋ ورنىنىڭ دا بەرەر كومەگى كوپ.
سالتانات شەرنياز,
ل.گۋميلەۆ اتىنداعى ەۋرازيا
ۇلتتىق ۋنيۆەرسيتەتىنىڭ
3-كۋرس ستۋدەنتى
