ەگەر ءار بالانى جاستايىنان وسىمدىكتەر مەن كوكونىستەر الەمىنىڭ ادام ومىرىندە الاتىن ورنى مەن ماڭىزدىلىعىن ءتۇسىنىپ, ونى ايالاي بىلۋگە باۋلىسا, ودان ناعىز سۇلۋلىق پەن ادامگەرشىلىكتى بويىنا سىڭىرگەن ازامات شىعاتىنى داۋسىز. وسى ماقساتتا استانا قالاسىنىڭ №73 «اياۋلىم» بالاباقشاسىندا اۋلانى كوگالداندىرۋ جانە اسەمدەۋ جۇمىستارى جۇرگىزىلدى.
بۇل ءبىر قاراعاندا جۇمىس كورىنگەنىمەن, باقشا تاربيەلەنۋشىلەرى مەن اتا-انالار اراسىنداعى توپ-توپقا بولىنگەن بايقاۋ ءارى جارىس تۇرىندە ءوتتى. ءار توپتىڭ وزىنە بەلگىلەنگەن الاڭى بار. وسى الاڭعا گۇل, كوشەت وتىرعىزۋ, ءار ءتۇرلى قاجەتسىز زاتتاردان كوز تارتاتىن بۇيىمدار جاساۋ, كوگالداندىرۋ, ءبىر سوزبەن ايتقاندا بۇلدىرشىندەر ويناعاندا كوڭىلدەنەتىندەي ەرتەگى كەيىپكەرلەرىن ورناتۋ سەكىلدى جۇمىستار اتقارۋ كەرەك بولاتىن. ءبىزدىڭ باقشانىڭ كىشكەنتاي بۇلدىرشىندەرى دە, اتا-انالارى دا يگى ىسكە توسىلىپ قالعان جوق. ءبىر كىسىدەي جەڭ ءتۇرىپ, بەل بۋا كىرىستى. ناتيجەسىندە, اۆتوكولىكتەردىڭ كەرەكسىز بوپ قالعان دوڭعالاقتارى مەن سۋسىنداردىڭ بوساپ قالعان پلاستيك قۇتىلارىنان ءارتۇرلى ەرتەگى كەيىپكەرلەرى دايىن بولادى. ولاردىڭ اراسىنان كوز تارتاتىن كۇنىكەي قىزدى دا, ەرتوستىكتى دە, ورىس ەرتەگىسىندەگى ماشا مەن ايۋدى دا, قولتىراۋىندار مەن قويانداردى دا كەزىكتىرۋگە بولادى. ءار توپ ءوز الاڭدارىن گۇل دەستەلەرىمەن كومكەرىپ, اققايىڭ, قاراتال, سيرەن, شىرشا اعاشتارىن وتىرعىزدى. بۇل ويىن بالاسىن تابيعاتتى سۇيۋگە تاربيەلەپ قانا قويماي, اينالاسىن, قورشاعان ورتانى تانۋعا دا كوپ سەپتىگىن تيگىزەرى ءسوزسىز. «تازا قالا, تازا اۋلا ءبىزدىڭ قولىمىزدا» اتتى سايىسقا باقشامىزدىڭ مەڭگەرۋشىسى ەلميرا بايسەيىتقىزىنان باستاپ تاربيەشىلەر قاۋىمى دا تۇگەلدەي اتسالىستى. ادىسكەر اينۇر توقتارحان شىعارماشىلىق جاعىنان كوپتەگەن كەڭەستەر بەرىپ, ءار توپتىڭ تاربيەشىلەرىن قاناتتاندىرىپ, ىنتالاندىرىپ وتىردى. جالپى, سايىسقا بالاباقشاداعى 12 توپ تايلى-تاياعىمەن قاتىستى دەسەك ارتىق ايتقاندىق ەمەس. وسى سايىستىڭ قورىتىندىسى بويىنشا ەڭ كوركەم, ەڭ اسەم بەزەندىرىلگەن الاڭداردىڭ توپتارىنا ءتيىستى ورىندار بەلگىلەندى. ءى ورىندى گۋليا بەرىكبايقىزى جەتەكشىلىك ەتەتىن «ادىرنا» توبى يەلەندى. بۇل توپتىڭ الاڭى جاسىل جەلەككە ورانىپ, ءارتۇرلى ەرتەگى كەيىپكەرلەرىمەن بەزەندىرىلگەن. ەڭ باستىسى, بۇل توپتىڭ اتا-انالار ۇجىمى تاربيەشىمەن ەتەنە ارالاسىپ, قويىڭ-قولتىق جۇمىس ىستەدى. ءىى جانە III ورىنداردى ءبىر-بىرىمەن يىق تىرەسە تۇرعان, ەكى الاڭنىڭ دا اسەمدىگى كوز تارتاتىنداي «قوڭىراۋ» جانە «سىبىزعى» توپتارى ءوزارا ءبولىستى. بۇل توپتار دا تاربيەشىلەردىڭ اتا-انالارمەن تىعىز جۇمىس جاساۋىنىڭ ارقاسىندا ەكى اققايىڭ, ءۇش شىرشا اعاشىن وتىرعىزعان, جالپى كوگالداندىرۋ جۇمىسىن جاقسى جۇرگىزگەن. جالپى ايتا كەلگەندە بالاباقشادا كوگالداندىرۋ جۇمىسىنىڭ جۇرگىزىلۋى وتە ماڭىزدى. وسى كوگالداندىرۋ جۇمىستارى ارقىلى بالالار قورشاعان ورتاسىن تانىپ بىلەدى, قازىردىڭ وزىندە بالالار تاڭەرتەڭ كەلىسىمەن تاربيەشى اپايلارىمەن بىرگە گۇلگە سۋ قۇيۋعا قىزىعۋشىلىق تانىتىپ بىرگە ەڭبەك ەتەدى. بۇل ءوز كەزەگىندە بالالاردى ۇجىمشىلدىققا, ەڭبەكقورلىققا تاربيەلەۋدىڭ داڭعىل جولى ەكەنى ءسوزسىز.
ايگۇل راحمەتقىزى,
پسيحولوگ
