قازاقستاندىق جاس ءانشى دانەليا تولەشوۆا امەريكالىق «ءاmerىسا’s Got تاlەnt» تالانتتار شوۋىنىڭ جارتىلاي فينالىنا ءوتتى.
جارتىلاي فيناليستەر كورەرمەندەردىڭ داۋىسى ارقىلى تاڭدالىپ, داۋىس بەرۋدى اقش-تاعى NBس سايتى باقىلادى. بىرنەشە قاتىسۋشى قازىلار القاسىنان قوسىمشا ۇپاي الدى. قازاقستاندىق 14 جاسار جۇلدىزىمىز شيرەك فينالدا گارري ستايلزدىڭ «Sign of the Times» ءانىن تاماشا ورىنداپ شىقتى. وعان كورەرمەندەر مەن قازىلار القاسى ورىندارىنان تىك تۇرىپ قول سوقتى.
«لوس-اندجەلەستە مەنىڭ جانىمدا انام جانە ۇستازىم ناتاليا الەكساندروۆنا بار. ءبىز ساحناعا شىعاردىڭ الدىندا قاتتى قوبالجىدىق. مەن اكادەميالىق پەداگوگ گۇلزات داۋرباەۆامەن قوسىمشا دايىندالدىم. اۋىرىپ تا قالدىم. باقىتىمىزعا وراي, ءبارى ءساتتى ءوتتى. قولداۋ كورسەتكەندەرىڭىز ءۇشىن العىسىم شەكسىز. بارشاڭىزعا راقمەت! مەن قازىر قانداي كۇيدە تۇرعانىمدى سوزبەن ايتىپ جەتكىزە المايمىن. كەرەمەت اتموسفەرا! شابىتتاندىرادى ەكەن. مەن ەندى كەلەسى تۋرعا دايىندالامىن» دەپ ءبولىستى ءوز قۋانىشىن دانەليا الەۋمەتتىك جەلىدەگى پاراقشاسىندا.
