دارىندىلار دارالاندى
استاناداعى نازارباەۆ ورتالىعىندا قازاقستان رەسپۋبليكاسى تۇڭعىش پرەزيدەنتى – ەلباسى قورى سىيلىعىنىڭ لاۋرەاتتارى ماراپاتتالدى.
توعىزىنشى مارتە ءوتىپ وتىرعان سالتاناتتى شارادا ونەر مەن عىلىمعا ەرەن ۇلەس قوسىپ, ەل ابىرويىن اسقاقتاتىپ جۇرگەن دارىندى جاستاردىڭ مارتەبەسى بيىكتەدى. بيىلعى ەلباسى قورى سىيلىعىنا ءار وڭىردەگى تالانتتى تالاپكەرلەردەن 127 ءوتىنىم تۇسكەن. قازىلار قۇرامى سولاردىڭ بارلىعىن ءجىتى زەردەلەپ, 18 جوبانى ۇزدىك دەپ تانىعان. قاتارلاستارىنان سۋىرىلىپ شىعىپ, بايگە العاندار قاتارىندا ەلوردالىق ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنىڭ ءارتىسى سىرىم قاشقاباەۆ, «استانا وپەرا» مەملەكەتتىك وپەرا جانە بالەت تەاترى كەاق بالەت ترۋپپاسىنىڭ جەتەكشى سوليستەرى تالعات مۇساباەۆ, ءمادينا باسباەۆا, قازاق ۇلتتىق ونەر ۋنيۆەرسيتەتىنىڭ 3-كۋرس ستۋدەنتى, بۇگىندە اتى الەمگە تانىلعان ديماش قۇدايبەرگەن جانە ل.گۋميلەۆ اتىنداعى ەۋرازيالىق ۇلتتىق ۋنيۆەرسيتەتىنىڭ عيماراتتار مەن قۇرىلىستاردى جوبالاۋ كافەدراسىنىڭ دوتسەنتى راۋان لۇقپانوۆ سەكىلدى جالىندى جاستار بار.
ازامات ەسەنجول