استانا قالالىق ءماسليحاتىنىڭ الەۋمەتتىك-مادەني دامۋ ماسەلەلەرى جونىندەگى تۇراقتى كوميسسيانىڭ وتىرىسىندا دەنساۋلىق ساقتاۋ سالاسىن جاڭعىرتۋ بويىنشا بىرقاتار تاپسىرمالاردى ىسكە اسىرۋعا ەرەكشە نازار اۋداردى. دەنساۋلىق ساقتاۋ سالاسىن اقپاراتتاندىرۋ, ءدارى-دارمەك باعاسىن رەتتەۋ مەن مىندەتتى الەۋمەتتىك مەديتسينالىق ساقتاندىرۋدى ەنگىزۋ بويىنشا كەڭ كولەمدى اقپاراتتاندىرۋ جۇمىستارىن جۇرگىزۋ ماسەلەسى دوڭگەلەك ۇستەلدە كەڭىنەن ايتىلدى.
ستاتيستيكاعا سەنسەك, قازاقستان دارىگەرلەرمەن قامتاماسىز ەتىلۋ كورسەتكىشى بويىنشا الەمدە الدىڭعى ورىنداردا تۇر. دەگەنمەن بىرقاتار دەپۋتاتتار استانا قالاسىندا بۇل سالادا ءالى دە بىرقاتار مامان تاپشىلىعى بار ەكەنىن العا تارتتى. بۇعان قالانىڭ كۇن سايىن ءوسىپ وتىرعان دەموگرافيالىق احۋالى مەن جان-جاقتان كوشىپ كەلۋشىلەردىڭ اسەرى دە بار. ماماندىقتار بويىنشا ەندوكرينولوگ, انەستەزيولوگ-رەانيماتولوگتار, زەرتحانا دارىگەرلەرى, پسيحياترلىق پروفيل دارىگەرلەرى جەتىسپەيدى. شىندىعى سول, بۇگىندە اۋرۋحانالاردا كەيبىر سالالىق دارىگەرلەردىڭ جالاقىسىنىڭ تومەندىگىنەن جەكەمەنشىك كلينيكالارعا كەتىپ قالۋىنان كەيبىر سالا بويىنشا دارىگەرلەر جەتىسپەۋشىلىگىن تۋىنداتادى.
اۋرۋحانالاردا دارىگەرگە ءبىر كونسۋلتاتسياسى ءۇشىن 1000-1500 تەڭگە تولەنسە, جەكەمەنشىك كلينيكالاردا 5-6 مىڭ تەڭگە تولەنەدى.№5 قالالىق ەمحانانىڭ باس دارىگەرى التىنشاش تابۋلدينا جىل سايىن مەديتسينا سالاسىنا ەنگىزىلىپ وتىرعان وزگەرىستەردىڭ وڭ ناتيجەلەرىن باياندادى. التىنشاش جۇماشقىزىنىڭ ايتۋىنشا, بۇگىندە قالالىق ەمحانالاردىڭ ەمدەلۋشىلەردى قابىلداۋ ۋاقىتى ۇزارتىلعان. حالىقتىڭ سۇرانىسىن دەر كەزىندە قاناعاتتاندىرۋ, پاتسيەنتتەردىڭ قاجەتتىلىگىنە ۋاقىتىلى جاۋاپ بەرۋ ءۇشىن كەزەك كۇتتىرمەيتىن, جەدەل ماسەلەلەردى ايقىنداۋ ماسەلەلەرى بىرتىندەپ شەشىمىن تاپقان. سونداي-اق, وتىرىستا دارىگەردىڭ قابىلداۋىنا تەلەفون نەمەسە ينتەرنەت ارقىلى جازىلۋ, جەكەمەنشىك كلينيكالاردى مىندەتتى كەپىلدەندىرىلگەن تەگىن مەديتسينالىق كومەك كورسەتۋ جۇيەسىنە تارتۋ قاجەتتىگى دە ءسوز بولدى.
بۇعان قوسا, مەملەكەتتىك جانە جەكەمەنشىك دەنساۋلىق ساقتاۋ مەكەمەلەرىن كەپىلدەندىرىلگەن تەگىن مەديتسينالىق كومەك كورسەتۋ جۇيەسىنە, مەديتسينالىق ساقتاندىرۋ جۇيەسىنە قاتىستىرۋ قاجەتتىگى دە باسا ايتىلدى.اسىرەسە, قالانىڭ شەت جاعى سانالاتىن يلينكا, ءوندىرىس, تالاپكەر ەلدى مەكەندەرىندەگى تۇرعىندارعا مەديتسينالىق سانيتاريالىق العاشقى كومەك جانە جەدەل مەديتسينالىق كومەك كورسەتۋدىڭ ماسەلەسى كوتەرىلدى. سونداي-اق, ول پاتسيەنتتەردىڭ مەديتسينالىق ۇيىمداردى ەركى تاڭداۋ قۇقىعىن پايدالانۋ كەرەكتىگىن, ەلەكتروندىق جۇيە دارىگەرلەرگە سىرقاتتاردى قابىلداۋدى رەتتەۋگە, كەزەكتى وڭتايلاندىرۋعا كومەكتەسۋى ءتيىس ەكەنىن ەسكە سالدى. 2019 جىلدان باستاپ مەديتسينالىق ۇيىمدار قاعازباستىلىقتان ارىلىپ, ەلەكتروندىق فورماتقا وتەتىن بولادى. جاپپاي اقپاراتتاندىرۋ ەنگىزىلگەننەن كەيىن مەديتسينا سالاسىنداعى بىرقاتار ماسەلەلەردىڭ شەشىمى تابىلاتىن بولادى.
بۇل دەنساۋلىق ساقتاۋ سالاسىن اقپاراتتاندىرۋ, ءدارى-دارمەك باعاسىن رەتتەۋ مەن مىندەتتى الەۋمەتتىك مەديتسينالىق ساقتاندىرۋدى ەنگىزۋ بويىنشا كەڭ كولەمدى اقپاراتتاندىرۋ جۇمىستارىن شەشۋگە وڭ ىقپال ەتەدى. حالىقتىڭ سۇرانىسىن دەر كەزىندە قاناعاتتاندىرۋ, پاتسيەنتتەردىڭ قاجەتتىلىگىنە ۋاقىتىلى جاۋاپ بەرۋ ءۇشىن كەزەك كۇتتىرمەيتىن, جەدەل ماسەلەلەردى ايقىندايدى.كەزدەسۋ بارىسىندا قالالىق ەمحانا باسشىلارى مىندەتتى مەديتسينالىق ساقتاندىرۋ جۇيەسىندەگى بىرقاتار مەديتسينالىق كومەك تۇرلەرىنىڭ, ونىڭ ىشىندە قابىلداۋ بولىمدەرى تۋرالى ساۋالدارىن قويدى. دەپۋتاتتار بارلىق مۇددەلى مەملەكەتتىك قۇرىلىمداردى تارتا وتىرىپ, وسى سالاداعى قىزمەتتى جانداندىرۋ قاجەتتىلىگىن اتاپ ءوتتى.
گۇلجان راحمان
