قر پرەزيدەنتى جانىنداعى مەملەكەتتىك باسقارۋ اكادەمياسىنىڭ Kyzmet Talks ديالوگ الاڭىندا ساراپشىلىق كەزدەسۋ ءوتتى. وندا اۋديت جانە مەملەكەتتىك ورگاندار قىزمەتى ناتيجەسىنىڭ تيىمدىلىگىنە مونيتورينگ جاساۋ ماسەلەلەرى تالقىعا ءتۇستى.
جيىنعا قر ەسەپ كوميتەتىنىڭ ءتورايىمى ناتاليا گودۋنوۆا مەن قر پارلامەنتى ءماجىلىسىنىڭ قارجى جانە بيۋدجەت جونىندەگى كوميتەتىنىڭ ءتورايىمى گۇلجان قاراعۇسوۆا, سەنات دەپۋتاتى, قر پارلامەنتى سەناتىنىڭ ەكونوميكالىق ساياسات, يننوۆاتسيالىق دامۋ جانە كاسىپكەرلىك جونىندەگى كوميتەتىنىڭ مۇشەسى ميحايل بورتنيك جانە قر قارجى مينيسترلىگى بۋحگالتەرلىك ەسەپ, اۋديت جانە باعالاۋ ءادىسناماسى دەپارتامەنتىنىڭ ديرەكتورى ارمان بەكتۇروۆا قاتىستى.
كەزدەسۋ بارىسىندا ساراپشىلار مەملەكەتتىك اۋديت, قارجىلىق باقىلاۋ جانە مەملەكەتتىك ورگانداردىڭ تيىمدىلىگىن باعالاۋ جۇيەسى تۋرالى ءسوز قوزعاپ, اۋديتورلىق ورگاندار الدىندا تۇرعان قازىرگى قيىندىقتاردى جانە مەملەكەتتىك سىرتقى ءاۋديتتىڭ جاڭا تاسىلدەرىن تالقىلادى. بۇل تۇرعىدا ناتاليا گودۋنوۆا مىندەتتەردى ءتيىمدى ىسكە اسىرۋعا كەدەرگى كەلتىرەتىن كەمشىلىكتەردى ايقىندايتىن, اۋديتتەلەتىن سۋبەكتىنىڭ جۇمىسىن جانە الەۋمەتتىك-ەكونوميكالىق اسەردى جاقسارتۋداعى جاڭا ادىستەر تۋرالى باياندادى. ال گۇلجان قاراگۇسوۆا مەملەكەتتىك اۋديت پەن مەملەكەتتىك ورگانداردىڭ قىزمەتىنىڭ تيىمدىلىگى تۋرالى جانە وسى سالالاردا قانداي ماسەلەلەردىڭ بار ەكەنىن ايتتى. ءوز كەزەگىندە ميحايل بورتنيك الداعى ءۇش جىلدا بيۋدجەتتىڭ قالاي قابىلداناتىنىن جانە پارلامەنتتىڭ قانداي قيىندىقتارعا تاپ بولعانى تۋرالى ءسوز ەتتى.
