نۇر-سۇلتان قالاسى تىلدەردى دامىتۋ جانە ارحيۆ ءىسى باسقارماسىنىڭ باسشىسى ساكەن ەسىركەپ بەلگىلى ديپلومات, ءتىل جاناشىرى سايلاۋ باتىرشاۇلىمەن كەزدەستى.
تاجىريبەلى ديپلومات سىرتقى ىستەر سالاسىندا, ەلشىلىك قىزمەتتە ىستەگەن كەزدەگى ەستەلىك وقيعالارىن ايتىپ بەردى. قازاقستاندى تاۋەلسىز ەل رەتىندە رەسمي تانىعان مەملەكەتتەرمەن الدىن الا قانداي كەلىسسوز جۇرگىزىلگەنىن, وداق ىدىراعان ساتتەگى ءىس-ارەكەتتەر تۋرالى اڭگىمەلەدى.
سونىڭ ىشىندە تۇركيا پرەزيدەنتى تۇرعىت وزالعا قازاقستاننىڭ جاقىن ارادا تاۋەلسىزدىك جاريالايتىندىعى ايتىلعاندا, ول ءوز ديپلوماتتارىن الدىن الا الماتىعا جىبەرىپ, ولار ەلىمىزدىڭ تاۋەلسىزدىگىن تانيتىندىعى جونىندەگى پرەزيدەنتتىڭ قۇتتىقتاۋ تەلەگرامماسىن دايىنداپ, كۇتىپ وتىرعان ەكەن.
كەزدەسۋدە وسىنداي قىزىقتى دەرەكتەر ايتىلدى. جۇزدەسۋ سوڭىندا ديپلومات باسقارما باسشىسىنا «تاۋەلسىزدىك جولىنداعى ديپلوماتيا» اتالاتىن مەمۋار كىتابىن سىيلادى.
