«Nur Otan» پارتياسىنىڭ كەزەكتەن تىس XX سەزىندە قابىلدانعان پارتيانىڭ جارعىسىنداعى وزگەرىستەردى ادىلەت مينيسترلىگى تىركەدى.
ەلباسى, پارتيا ليدەرى نۇرسۇلتان نازارباەۆتىڭ تاپسىرماسىنا سايكەس جارعىلىق قۇجاتقا پارتيانىڭ پارتياىشىلىك سايلاۋ – پرايمەريز وتكىزۋ تۋرالى نورماسى ەنگىزىلدى.
«سەزد قاۋلىسىمەن پارتيا جارعىسىنىڭ 2.4-تارماعى ەندى مىناداي مازمۇنداعى تارماقشامەن تولىقتىرىلدى: پرايمەريزدى – قازاقستان رەسپۋبليكاسى پارلامەنتى ءماجىلىسىنىڭ, بارلىق دەڭگەيدەگى ءماسليحاتتاردىڭ دەپۋتاتتىعىنا كانديدات ەتىپ ۇسىنۋعا ۇمىتكەرلەردى الدىن الا پارتياىشىلىك ىرىكتەۋدى وتكىزۋ». پارتيا ءباسپاسوز قىزمەتىنىڭ مالىمەتىنشە, سەزدىڭ قاۋلىسىمەن 2013 جىلى قابىلدانعان ساياسي دوكترينا «Nur Otan» پارتياسىنىڭ ساياسي تۇعىرناماسىنا وزگەرتىلدى.
ەستەرىڭىزگە سالا كەتەيىك, «Nur Otan» پارتياسىنىڭ كەزەكتەن تىس XX سەزى 25 قاراشادا ءوتىپ, ونىڭ بارىسىندا 2025 جىلعا دەيىنگى «وزگەرىستەر جولى: ءار ازاماتقا لايىقتى ءومىر!» اتتى سايلاۋالدى باعدارلاما قابىلدانعان ەدى. العاش رەت رەسپۋبليكالىق پارتياىشىلىك سايلاۋ فورماتىندا وتكەن «Nur Otan» پارتياسىنىڭ پرايمەريزىنە 10 مىڭنان استام كانديدات قاتىستى. ونىڭ قورىتىندىسى بويىنشا 6253 ادام «Nur Otan»-نىڭ بارلىق دەڭگەيدەگى 216 ماسليحاتقا ارنالعان پارتيالىق تىزىمدەرىنە ەندى. وسى ورايدا پارتياعا 42 مىڭنان استام جاڭا جاقتاستار قوسىلدى. ولاردىڭ 1000-نان استامى پارتياىشىلىك سايلاۋعا قاتىسىپ, ءاربىر 3-ەۋى «Nur Otan» پارتياسىنىڭ تىزىمىنە ەندى.