كەشە استانادا «دوستىق – بىرلىك نىشانى» اتتى جاستار اراسىندا ەتنوسارالىق كەلىسىمدى نىعايتۋعا باعىتتالعان فەستيۆال ءوتتى. شارانى استانا قالاسى قازاقستان حالقى اسسامبلەياسى حاتشىلىعىنىڭ قولداۋىمەن قالالىق جاستار ساياساتى ماسەلەلەرى باسقارماسى ۇيىمداستىردى.
– قازاقستاندا قانشاما ەتنوستار ءبىر شاڭىراقتىڭ استىندا ءبىر ءۇيدىڭ بالاسىنداي تاتۋ-ءتاتتى ءومىر ءسۇرىپ وتىر. بۇل ءبىر عانيبەت ەمەس پە؟! حالقىمىزدىڭ وسى بىرلىگى مەن تۇراقتىلىعىن ساقتاۋىمىز كەرەك. ەلباسى قازىر الدىمىزعا دامىعان وتىز ەلدىڭ قاتارىنا كىرۋ ماقساتىن قويىپ وتىر. سول ءۇشىن جاستار كۇنى-ءتۇنى دامىل تاپپاۋى قاجەت. سەبەبى جاستارىمىز قانداي بولسا, بولاشاعىمىز دا سونداي بولاتىنى ايدان انىق. بۇگىندەرى كەرەكسىز, جاعىمسىز ادەتتەردى تاستاپ, بويىمىزعا قاجەت مىنەزدى ءسىڭىرۋىمىز كەرەك. اسىرەسە, مادەني مۇرامىزدى ساقتاپ قانا قويماي, ونى ارى قاراي دامىتۋعا ءتيىستىمىز. ماسەلەن, اباي اتامىزدىڭ اقىلى, مۇحتار اۋەزوۆتىڭ ناقىلى, جامبىل جاباەۆتىڭ جىرى, قۇرمانعازىنىڭ كۇيلەرى كەرەمەت مۇرا عوي! بولاشاعىمىزعا باعدار بەرەتىن وسىنداي تۇلعالار, – دەدى قر پارلامەنتى ءماجىلىسىنىڭ دەپۋتاتى گەننادي شيپوۆسكيح.
فەستيۆالگە ەتنومادەني بىرلەستىكتەردىڭ جاستار قاناتىنىڭ وكىلدەرى, قالا جاستارى, مەكتەپ وقۋشىلارى مەن ستۋدەنتتىك ۇيىمدار قاتىسىپ, ءان سالىپ, بي بيلەپ, ولەڭ وقىدى. شارانىڭ سوڭىندا قاتىسۋشىلارعا العىس حاتتار مەن باعالى سىيلىقتار تاپسىرىلدى.
امانعالي قالجانوۆ
