الەمدىك كينەماتوگرافيانىڭ جۇلدىزى استانادا وتەتىن قىتاي كينوسى فەستيۆالىنىڭ اشىلۋ سالتاناتىنا قاتىسىپ, كورەرمەندەرگە «كۋنگ-فۋ يوگا» اتتى ءفيلمىن تارتۋ ەتپەك.
دجەكي چان 1954 جىلى گونكونگ قالاسىندا كەدەي وتباسىندا دۇنيەگە كەلگەن ەكەن. 1971 جىلى قىتاي جابىق دراما اكادەمياسىن ءبىتىرىپ, كينوداعى جولىن كاسكادەرلىكتەن باستاعان قايتپاس قايسار ءارتىس اكتەرلىك ومىردە دە نەبىر اسا قاۋىپتى تريۋكتەردى ءوزى ورىنداپ, باسىن تالاي قاتەرگە تىككەن.
سونىمەن قاتار دجەكي چان ءانشى, كوپتەگەن كينولارىنداعى اندەردى ءوزى ورىنداعان, 80-جىلداردان باستاپ قازىرگى كۇنگە دەيىن 20 البومدى اندەر جيناعىن شىعارعان. وتكەن جىلى دجەكي چان كينەماتوگرافقا قوسقان زور ۇلەسى ءۇشىن «وسكار» سىيلىعىن العان.
«قازاقستان» رەسپۋبليكالىق تەلەراديوكورپوراتسياسى مەن قحر ءباسپاسوز, باسپا, راديو, كينو جانە تەلەۆيزيا ءىسى جونىندەگى مەملەكەتتىك باسقارماسى ۇيىمداستىرىپ وتىرعان 7-18 ماۋسىم ارالىعىندا وتەتىن قىتاي كينوسى فەستيۆالى كۇندەرى ەلوردالىقتار مەن قالا قوناقتارى «ىلە وزەنى», «شىنايى ماحاببات», «گۇلىم», «قاتەرلى ىسىك مىرزا, كەتىڭىز», «قاسقىر توتەمى» سىندى تۋىندىلاردى تاماشالاي الادى.
ايگۇل
ۋايسوۆا
