ەلوردادا مەديتسينالىق مەكەمەلەردىڭ Pfizer ۆاكتسيناتسياسىن جۇرگىزۋگە دايىندىعى تەكسەرىلدى.
قالانىڭ قوعامدىق دەنساۋلىق ساقتاۋ باسقارماسى نۇر-سۇلتان قالاسى بويىنشا سانيتارلىق-ەپيدەميولوگيالىق باقىلاۋ دەپارتامەنتىمەن بىرلەسىپ, جۇكتى ايەلدەر مەن جاسوسپىرىمدەردى ۆاكتسيناتسيالاۋعا ەگۋ پۋنكتتەرىنىڭ جان-جاقتى دايىندىعىن قاداعالادى. ولار سونىمەن قاتار ۆاكتسيناتسيانىڭ تارالۋ ايماقتارىن تەكسەردى. ەرەسەكتەر مەن جۇكتى ايەلدەردىڭ سانىن شەكتەۋ ماقساتىندا باسقارما جۇكتى ايەلدەرگە ۆاكتسيناتسيا كەستەسىن قۇرۋدى, ياعني وسى ساناتتاعى ادامداردى ۆاكتسيناتسياعا جەكە-جەكە شاقىرۋدى جوسپارلاپ وتىر. قالالىق دەنساۋلىق ساقتاۋ باسقارماسى جۇكتى ايەلدەر مەن بالالاردى ۆاكتسيناتسيالاۋدى قاتاڭ مەديتسينالىق ۇيىمداردا, ياعني بمسك ۇيىمدارى جانىنداعى ۆاكتسيناتسيا پۋنكتتەرىندە عانا جۇرگىزۋ جوسپارلانعانىن اتاپ ءوتتى.
«جۇكتى ايەلدەر مەن بالالاردى ۆاكتسيناتسيالاۋ ءۇشىن قاۋىپسىز جانە قولايلى ورتا قۇرۋ ماڭىزدى. جۇكتىلىك دەنساۋلىق جاعدايىنا جاتادى, وندا COVID-19-دىڭ اۋىر ءتۇرى پايدا بولۋ قاۋپى جوعارىلايدى جانە ۆاكتسيناتسيا ۇسىنىلادى, ال ەمىزەتىن انالار ۆاكتسيناتسيادان كەيىن دە بالالارىن تاماقتاندىرۋدى جالعاستىرا الادى. ءبارى ويداعىداي ءوتۋى ءۇشىن ۆاكتسيناتسيانىڭ بارلىق پۋنكتتەرى ەكپە جۇرگىزۋ باستالماس بۇرىن تەكسەرىلەدى» دەيدى باسقارمانىڭ انا مەن بالا دەنساۋلىعىن قورعاۋ ءبولىمىنىڭ باسشىسى ايگەرىم لەباەۆا.
