ەلورداداعى №77 «قوشاقان» بالالار باقشاسىنىڭ تاربيەلەنۋشىلەرى «تازا ويىن» مارافونىنا قاتىستى. كىشكەنتاي ەكو-بەلسەندىلەر ەكو-سايقىمازاقتارمەن بىرگە قىزىقتى ويىندارعا اتسالىسىپ, قوقىستى سۇرىپتاپ جيناۋ, قورشاعان ورتانى تازا ۇستاۋ بويىنشا ساباق الدى.
كۆەستىڭ العاشقى كەزەڭىندە بۇلدىرشىندەر قاتتى تۇرمىستىق قالدىقتاردى سۇرىپتاپ جيناۋ داعدىسىمەن تانىستى. بۇل كەزەڭدە مارافون قاتىسۋشىلارىنا قوقىستىڭ وڭدەۋگە بايلانىستى اقپاراتتار بەرىلدى. ال ەكىنشى كەزەڭدە كىشكەنتاي ەكو-بەلسەندىلەر تابيعاتتى ايالاۋدىڭ, ونى لاستاماۋدىڭ ماڭىزى جونىندەگى مالىمەتتەرگە قانىقتى. بۇلدىرشىندەرگە اسىرەسە «قوقىسپەن كۇرەسۋ, تابيعات جانە ادام» دەپ اتالاتىن ەرتەگى قاتتى ۇنادى. سونىمەن قاتار ولار ەستە ساقتاۋ قابىلەتى مەن لوگيكانى جەتىلدىرۋگە, سىن تۇرعىسىنان ويلاۋعا ۇيرەتەتىن ويىنداردى وينادى.
مارافون سوڭىندا كىشكەنتاي ەكو-بەلسەندىلەردى شارا ۇيىمداستىرۋشىلارى العىس حاتتارمەن ماراپاتتادى. ءدال وسىنداي فورماتتاعى ەكو-كۆەست قالاداعى بارلىق ءبىلىم بەرۋ مەكەمەلەرىندە ۇيىمداستىرىلماق.
