كەشە نۇر-سۇلتان قالاسىندا «ەكواسار» ەكولوگيالىق مارافونىنىڭ قورىتىندى كەشى ءوتتى. شاراعا ەلوردالىق 80 ءبىلىم بەرۋ مەكەمەسى قاتىستى. ناتيجەسىندە 36 965 كەلى قايتالاما شيكىزاتتان 1 ميلليون 33 مىڭ تەڭگە قاراجات ءتۇسىپ, وعان الەۋمەتتىك از قامتىلعان جانە كوپبالالى وتباسى بالالارىنا نوۋتبۋك ساتىپ الىندى.
«ەلوردالىق وقۋشىلار مەن بۇلدىرشىندەر قايىرىمدىلىق ءۇشىن 40 توننا قايتالاما شيكىزات تاپسىردى. وكم وپەراتورى ءۇش اپتانىڭ ىشىندە قاتتى تۇرمىستىق قالدىقتاردى بولەك جيناۋ تاقىرىبىندا ءبىلىم بەرۋ مەكەمەلەرىنە 2383 ەكولوگيالىق ساباق ۇيىمداستىردى. وعان 140 مىڭنان اسا بالا قاتىستى. بۇل اساردىڭ نەگىزگى ماقساتى – بالالاردى تۋعان ولكەسىنىڭ تابيعاتىن قورعاۋعا باۋلۋ» دەدى نۇر-سۇلتان قالاسى ءبىلىم باسقارماسى باسشىسىنىڭ ورىنباسارى ريمما اسىمقىزى.
جينالعان اقشاعا الەۋمەتتىك از قامتىلعان جانە كوپبالالى وتباسىنىڭ بالالارىنا 6 نوۋتبۋك جانە قاراۋسىز قالعان جانۋارلارعا 1200 كەلىدەن استام ازىق جەتكىزىلگەن. سونداي-اق ەكواسارعا دەمەۋشى بولعان كومپانيالار قوسىمشا 6 نوۋتبۋك سىيلاعان. وسىلايشا 12 تەحنيكا قايىرىمدىلىققا تابىستالدى. «مەن التى بالانىڭ اناسىمىن. جانۇيامىز ءۇشىن بالامىزعا وسىنداي نوۋتبۋك الىپ بەرۋ قول جەتپەس ارمان ەدى. مىنە, ءبىر كۇندە ارمانىمىزعا جەتتىك. ءبىزدىڭ جاعدايىمىزدى تۇسىنگەن مەكتەپ ديرەكتورىنا راقمەت» دەدى كۇمىس القا يەگەرى اتىرگۇل راحيموۆا.
ەكولوگيالىق شارانىڭ قورىتىندىسى بويىنشا, ۇزدىك ناتيجە كورسەتكەن مەكتەپتەر ماراپاتتالدى. № 54 مەكتەپ 3 توننا 280 كگ, №85 مەكتەپ 3 توننا 172 كگ, ال №59 مەكتەپ 2 توننا 640 كگ قاپتاما قالدىعىن قايتا وڭدەۋگە تاپسىرعان. جەڭىمپاز مەكتەپتەرگە تامشىلاتىپ سۋارۋدى ۇيىمداستىرۋعا ارنالعان سەرتيفيكاتتار بەرىلدى.
