اۋباكىروۆ ايبات – نازارباەۆ ۋنيۆەرسيتەتىنىڭ جوعارى بيزنەس مەكتەبىنىڭ Executive MBA باعدارلاماسىنىڭ تۇلەگى. قارجى سالاسىندا تابىستى ەڭبەك ەتىپ كەلە جاتقان جاس مامان – نۇر-سۇلتان قالاسى ءماسليحاتى دەپۋتاتتىعىنا ۇمىتكەرلەردىڭ ءبىرى. وسى ورايدا ءبىز ايبات قايراتۇلىمەن الداعى جوسپارلارى جايلى سويلەسكەن ەدىك.
– دەپۋتات بولۋداعى ماقساتىڭىز قانداي؟
– ءبىز تەز وزگەرەتىن الەمدە ءومىر سۇرەمىز. 2020 جىل قيىندىقتارىمەن ەستە قالدى. بارلىق وزگەرىستەر تىكەلەي ەلوردامىزعا دا اسەرىن تيگىزۋدە. سوندىقتان مەنىڭ كاسىبي تاجىريبەم جاڭا مىندەتتەردى شەشۋگە كومەكتەسەدى دەپ سەنەمىن. نۇر-سۇلتان قالاسىندا 2008 جىلدان بەرى تۇرىپ كەلە جاتىرمىن. بالالارىم دا وسى جەردە دۇنيەگە كەلدى. سوندىقتان مەن ەلوردامىزدىڭ تاعدىرىنا بەيجاي قاراي المايمىن. قالامىزدىڭ گۇلدەنۋى مەن وركەندەۋى جولىندا جاستىق جىگەرىم مەن ادال ەڭبەگىمدى كورسەتسەم دەيمىن.
– Nur Otan پارتياسىنىڭ باعدارلاماسى نەسىمەن ەرەكشەلەنەدى؟
– پارتيامىزدىڭ باعدارلاماسى قالا تۇرعىندارىنىڭ كوپ جىلدار بويى جاۋابىن تاپپاي كەلە جاتقان تۇيتكىلدى ماسەلەلەرىن شەشۋگە باعىتتالعانىمەن ەرەكشەلەنەدى. سونىڭ ىشىندە جاس وتباسىلارعا كومەك كورسەتۋ ءبىلىم بەرۋدى دامىتۋعا قولداۋ جاساۋ, جاستارعا ارنالعان تۇرعىن ۇيلەردى سالۋ, مەكتەپتەر مەن بالاباقشالار اشۋ جاعى قاراستىرىلعان. ءبىزدىڭ باعدارلامامىز قالا مەن قوعامنىڭ دامۋىنا ايتارلىقتاي ۇلەس قوساتىنىنا سەنىمدىمىن.
– ەلىمىزدىڭ دامۋى ءۇشىن قاي سالاعا كوڭىل ءبولۋىمىز كەرەك؟
– مەنىڭ ويىمشا, قوعامىمىزدا ەڭ ءبىرىنشى قارجىلىق ساۋاتتىلىقتى ارتتىرۋىمىز كەرەك. ادام كاپيتالىن دامىتۋ, ءبىلىم دەڭگەيىن كوتەرۋ جەتىستىككە جەتۋدىڭ كەپىلى دەپ سانايمىن. قارجى سالاسىندا 15 جىلعا جۋىق جۇمىس ىستەپ كەلە جاتقاندىقتان, جيعان ءبىلىمىمدى ەلىمىزدىڭ دامۋى جولىندا كورسەتسەم دەيمىن.
نۇر-سۇلتان قالاسىنداعى Nur Otan پارتياسى سايلاۋ قورىنىڭ قاراجاتىنان تولەندى.