ەلباسى استانا جانە قازاقستان ءميتروپوليتى الەكساندردى قابىلدادى

مەملەكەت باسشىسى كەزدەسۋ بارىسىندا ميتروپوليت الەكساندر ارقىلى قازاقستاننىڭ بارشا پراۆوسلاۆتارىن العىس ايتۋ كۇنىمەن قۇتتىقتادى.

قازاقستان پرەزيدەنتى بۇل مەيرام ەلدە سالتانات قۇرعان تۇراقتىلىق, بىرلىك جانە كەلىسىمنىڭ سيمۆولى رەتىندە شىنايى حالىقتىق مەرەكە بولىپ سانالاتىنىن ايتتى. نۇرسۇلتان نازارباەۆ ءبىر-بىرىنە دەگەن رەنىشىن كەشىرۋ, العىس ايتۋ, قۇرمەت كورسەتۋ جانە ىنتىماق تانىتۋ العىس ايتۋ كۇنىنىڭ ماڭىزدى داستۇرلەرى ەكەنىنە نازار اۋداردى.

ميتروپوليت الەكساندر مەملەكەت باسشىسىنا وسىنداي مەرەكەنىڭ بەلگىلەنگەنى ءۇشىن العىس ايتتى.

بۇگىن بارشا قازاقستان حالقى اتاپ ءوتىپ جاتقان وسى تاماشا مەرەكەمەن ءسىزدى قۇتتىقتاۋعا رۇقسات ەتىڭىز. ەگەر بىلتىرعى جىل قازاقستان حالقى اسسامبلەياسىنىڭ جانە كونستيتۋتسيانىڭ 20 جىلدىعى, جەڭىستىڭ 70 جىلدىعى, سياقتى ەلەۋلى وقيعالارمەن اتاپ وتىلسە, 2016 جىل – ءبىزدىڭ تاۋەلسىزدىگىمىزدىڭ 25 جىلدىعى. سوندىقتان بيىل العىس ايتۋ كۇنىن تاعايىنداۋ – وتە دانا شەشىم. بۇل كۇن تاتۋلىق پەن تۇراقتىلىق ءۇشىن بارلىق ەتنوستاردىڭ ءبىر-بىرىنە جانە ەڭ الدىمەن قۋعىن-سۇرگىننىڭ جازىقسىز قۇرباندارىن وسى قاسيەتتى جەردە پانالاتقان, ولارعا قولداۋ كورسەتكەن قازاق حالقىنا ايتار العىستى بىلدىرەدى. بۇل – ءبىزدىڭ حالقىمىز ءۇشىن قاجەت ءارى ماڭىزدى مەرەكە, – دەدى ميتروپوليت الەكساندر.