استانادا ۇكىمەتتىك ەمەس ۇيىمدار وكىلدەرى مەملەكەت باسشىسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىن تالقىلادى.
زاڭدى تۇلعالار بىرلەستىگىنىڭ كەڭەيتىلگەن وتىرىسىندا ەلباسى ماقالاسىنىڭ ماڭىزى جونىندە ءماندى ويلار ايتىلدى. ماسەلەن, «استانانىڭ كەۇ فورۋمى» زتب پرەزيدەنتى بايان احمەتجانوۆا مەملەكەت باسشىسىنىڭ ماقالاسى قوعامعا قوزعاۋ سالعانىن ايتتى. ويتكەنى بۇگىندە اتالعان ماقالانى زيالى قاۋىم وكىلدەرىنەن باستاپ جاستارعا دەيىن قولداپ وتىر. ال «جاينا استانا» قوعامدىق بىرلەستىگىنىڭ توراعاسى مۇحتار ەركەتاەۆ جاستاردىڭ تاربيەسىنە ەرەكشە ءمان بەرۋ كەرەك ەكەنىن ەسكەرتتى. سەبەبى قازىرگى تاڭدا جاستاردىڭ ارمان-تىلەگى مۇلدە باسقا بولىپ وتىر.
– ءبىزدىڭ ەلىمىزدىڭ ەڭ باستى ماقساتى دامىعان 30 ەلدىڭ قاتارىنا قوسىلىپ, الپاۋىت مەملەكەتتەردىڭ ورتاسىنان ويىپ ورىن الۋ بولىپ وتىر. الايدا ءبىز ەكونوميكالىق تۇرعىدان عانا ەمەس, سونىمەن قاتار, رۋحاني جاعىنان دا الەمدە كوشباسشى مەملەكەتكە اينالۋىمىز كەرەك. شىنى كەرەك, قازىرگى تاڭدا قوعامدا ەكى ءتۇرلى پروتسەس قاتار ءجۇرىپ جاتىر. ماسەلەن, ەگدە ازاماتتار كەڭەس وكىمەتىن اڭساسا, ال جاستاردىڭ «كاسىپكەر بولامىن» دەگەن ءبىر عانا ماقساتى بار. مەن مەكتەپ ءبىتىرۋشى تۇلەكتەردەن «بولاشاقتا قانداي مامان يەسى بولعىڭ كەلەدى؟» دەپ سۇراسام, ولار ويلانباستان «پروكۋرور, دەپۋتات, كاسىپكەر بولامىن» دەپ جاۋاپ بەرەدى. الايدا ەڭ ماڭىزدى ماماندىق بولىپ سانالاتىن مۇعالىم مەن دارىگەر بولۋعا ەشكىمنىڭ ىقىلاسى جوق. ەگەر بولاشاعىمىزدى ويلايتىن بولساق, ۇستازدار مەن دارىگەرلەردىڭ بەدەلىن كوتەرۋىمىز كەرەك, – دەيدى ول.
سونداي-اق, جيىندا «استانا قالاسى ازاماتتىق اليانسى» زتب پرەزيدەنتى بولىپ ارمان نۇرعازين سايلاندى. كوپشىلىك قاۋىم وعان سەنىم ءبىلدىرىپ, الدا اتقاراتىن جۇمىستارىنا ساتتىلىك تىلەدى.
سەرىك
جولداسباي
