ەلوردادا «ەلباسى مەدالى» باعدارلاماسىنا قاتىسۋشىلاردى ماراپاتتاۋ ءراسىمى ءوتتى. ءتۇرلى سالادا ەرەكشە كوزگە تۇسكەن 189 ۇزدىك جاسقا كۇمىس جانە قولا مەدال تابىس ەتىلدى. ءىس-شارا قر تاۋەلسىزدىگىنىڭ 30 جىلدىعىنا وراي ۇيىمداستىرىلدى.
«ەلباسى مەدالى» باعدارلاماسى جەتى باعىتتان تۇرادى. اتاپ ايتقاندا, سپورت, دارىن مەن داعدى, كىتاپ وقۋ, ۇلتتىق مۇرا, ۆولونتەرلىك, ساياحات. قاتىسۋشىلار 6 ايدان 18 ايعا دەيىن ءوزى تاڭداعان سالا بويىنشا بەرىلگەن تاپسىرمالاردى ورىندايدى.
جوبا اۆتورىنىڭ ايتۋىنشا, اتالعان مەدال يەگەرلەرى جوعارى وقۋ ورىندارىنا ءبىلىم گرانتتارىن تاعايىنداۋ كەزىندە ارتىقشىلىققا يە بولادى. ياعني تالاپكەرلەردىڭ ۇبت بالدارى تەڭ بولعان جاعدايدا «ەلباسى مەدالىنىڭ» يەگەرىنە باسىمدىق بەرىلەدى.
«بۇگىندە جاستاردىڭ جەكە تۇلعا بولىپ قالىپتاسۋى ءۇشىن بارلىق مۇمكىندىكتەر جاسالۋدا. «ەلباسى مەدالى» باعدارلاماسى – بۇل ءبىلىمدى جەتىلدىرۋگە جانە تۇلعالىق وسۋگە باعىتتالعان بىرەگەي جوبا. جوبا قاتىسۋشىلاردىڭ تالانتىن اشۋعا كومەكتەسەدى, ولار بىلىمگە ۇمتىلادى, قوعام ومىرىنە بەلسەندى قاتىسادى, بولاشاقتا ومىردە پايدالى بولاتىن تاجىريبە جينايدى» دەدى قازاقستان جاستار كونگرەسىنىڭ اتقارۋشى ديرەكتورى توقتار بولىسوۆ.
قازىرگى ۋاقىتتا «ەلباسى مەدالى» باعدارلاماسىنا 20 000-نان استام ادام قاتىستى. ونىڭ ىشىندە 83% – مەكتەپ وقۋشىلارى, 11% – ستۋدەنتتەر, 6% – جۇمىس ىستەيتىن جاستار, 24%-ى – اۋىلدىق جەردەن كەلگەن قاتىسۋشىلار.
ايزادا جايىققىزى
