پرەزيدەنت نۇرسۇلتان نازارباەۆ تۋرالى رەسەيلىك جازۋشى نيكولاي زەنكوۆيچتىڭ «و ۆەليكوي جيزني», «ۇلى ادام تۋرالى ۇلاعاتتى كىتابى» جارىققا شىقتى. تاريحشى ءارى دەرەكتانۋشى بۇعان دەيىن تاريحتىڭ جولىن جاڭا باعىتقا وزگەرتكەن الەمدىك تۇلعالار تۋرالى 30-دان استام كىتاپ جازعان.
تۇساۋكەسەر راسىمىندە ءسوز العان جازۋشى قازاقستان پرەزيدەنتى تۋرالى جازۋداعى باستى يدەيا – ەلباسى ومىرىندەگى نەگىزگى وقيعالاردى ەرەكشە بايانداۋ ەكەنىن العا تارتتى. «وسى كەزگە دەيىن نۇرسۇلتان نازارباەۆ تۋرالى ەشكىمنىڭ تەرىس پىكىر ايتقانىن ەستىمەدىم. قوعامدىق پىكىر دەگەن – وسى. حالىق ءوز پرەزيدەنتىن, پرەزيدەنت ءوز ەلىن قادىرلەي ءبىلدى. الەمدە مۇنداي كوشباسشى از. نۇرسۇلتان
نازارباەۆ تۋرالى دۇنيەجۇزىندە كوپتەگەن كiتاپ جارىق كورگەن. مەنىڭ كىتابىم بالالارعا ارنالعان. ءوزiن عانا ەمەس, بۇكiل الەمدi وزگەرتiپ جاتقان ۇلى تۇلعا تۋرالى العاشقى كiتاپ. الەمدi وزگەرتكەننەن بۇرىن, ءوزiڭدi وزگەرتۋ قيىن. كىتاپتاعى باستى يدەيا – ءوز ەلىنىڭ ءوسىپ-وركەندەۋى جولىندا بارىن سالىپ كەلە جاتقان تۇلعانى دارىپتەۋ. كىتاپتى ۇلى ادامعا دەگەن قۇرمەتپەن جازىپ شىقتىم» دەيدى اۆتور.
«ۇلى ادام تۋرالى ۇلاعاتتى كىتاپ» ەكى بولىمنەن تۇرادى. «ۇشقوڭىردان شىققان ۇلان» بولىمىندە پرەزيدەنتتىڭ بالالىق جىلدارى, ۇلكەن ومىرلىك جولى سۋرەتتەلسە, «مارتەبەلى پرەزيدەنت» ءبولىمىندە ەلباسىنىڭ ايتۋلى تۇلعالاردىڭ قاتارىنا قالاي قوسىلعانى تۋرالى بايانداعان. باسىلىمدى قازاق تىلىنە اۋدارعان تانىمال جۋرناليست, قر ەڭبەك سىڭىرگەن قايراتكەرى – قاينار ولجاي.
گۇلميرا ايماعانبەت
