ەندى استانا قالاسى اكىمدىگىنىڭ جيىن-وتىرىستاردىڭ بارلىعىندا ەسەپتەر قاتاڭ تۇردە قالانى باسقارۋدىڭ تسيفرلاندىرىلعان كورسەتكىشى بويىنشا تىڭدالادى. باسقارۋدىڭ باستى ماسەلەلەرى: ستراتەگيالىق Kpis, ەلوردانى دامىتۋ جوبالارى, ازاماتتاردىڭ وتىنىشتەرىمەن جۇمىس ىستەۋ, قالانىڭ جۇيەلى ماسەلەلەرى – تولىقتاي تسيفرلاندىرىلىپ, وعان اكىمدىك باسشىلىعى تاراپىنان ونلاين-باقىلاۋ جۇرگىزىلەدى.
قالانىڭ دامۋى جانە قالالىق قىزمەت تۇرلەرىنىڭ ستراتەگيالىق Kpis-ءى ءۇش دەڭگەيلىك جۇيەگە نەگىزدەلگەن. ونداعى ءاربىر كورسەتكىشكە اكىمنىڭ ورىنباسارلارى مەن باسقارما باسشىلارى جاۋاپ بەرەدى. بۇرىن تيىمدىلىك كورسەتكىشتەرى جىلىنا ءبىر رەت باعالانىپ, مالىمەت جيناۋ مەن ولاردى ەسەپتەۋگە قىرۋار ۋاقىت جۇمسالاتىن بولسا, قازىر ولار اۆتوماتتى تۇردە ەسەپتەلەدى. ويتكەنى اقپارات «ستاتيستيكا» جانە «جوبالىق كەڭسەدەن» الىنادى. ءاربىر باسشى جەتىستىكتەرگە جەتۋ پروگرەسىن كورىپ, ناتيجەلەرگە قول جەتپەيتىندەي قاۋىپ بولعان جاعدايدا ءتيىستى شارالاردى قابىلداي الادى.
«تۇرعىنداردىڭ اكىمدىك جۇمىسىنا قاناعاتتانۋىن ارتتىرامىز جانە شاعىمدارىن ازايتامىز دەسەك, جۇيەلى ماسەلەلەردى شەشۋگە كوڭىل ءبولۋ اسا ماڭىزدى» دەپ مالىمدەدى استانا اكىمى باقىت سۇلتانوۆ.
تسيفرلاندىرۋدى ەنگىزۋدىڭ ناتيجەسىندە اكىمدىك جۇمىسىن باقىلاۋ ءبىر جۇيەگە بىرىكتىرىلدى, ول قالا باسشىلىعىنا ونلاين-تارتىپپەن قولجەتىمدى. دەمەك, الداعى ۋاقىتتا ەلوردالىقتاردىڭ تاراپىنان تۇسەتىن ءاربىر شاعىم نازاردان تىس قالمايدى. قالانىڭ بارلىق جۇيەلى ماسەلەلەرى مەن دامۋى ناقتى باقىلاۋدا بولادى.
