استانا اكىمدىگى ەكسپو-2017 مامانداندىرىلعان حالىقارالىق كورمەسى تۋرالى پرومو-ۆيدەو دايىندادى.
– قۇرمەتتى دوستار, قازاقستاننىڭ جۇرەگى – ەلورداعا قوش كەلدىڭىزدەر! ەكسپو-2017 مامانداندىرىلعان حالىقارالىق كورمەسى اشىلدى. الەمنىڭ 115 ەلىنەن 2 ميلليوننان استام تۋريست كەلەدى دەپ كۇتىلۋدە. شىرايلى شاھارىمىزدا كەرەمەت اۋەجاي, جاڭا تەمىرجول ۆوكزالى تۇرعىزىلدى. 200-دەن استام مەيمانحانا مەن 800-دەن استام مەيرامحانا جانە ءدامحانا جۇمىس ىستەيدى. ەرەكشە مادەني, سپورتتىق باعدارلامالار دايىندالدى. ونەردىڭ ءار سالاسى بويىنشا 600-دەن استام ءىس-شارالار نازارلارىڭىزعا ۇسىنىلادى: تسيرك, وپەرا, تەاتر, دجاز, روك, ۇلتتىق مۋزىكا, فەستيۆالدەر, بالالارعا ارنالعان تەاتر, ساياباقتار. سپورتتىق چەمپيوناتتار وتكىزىلدى. استاناداعى كۇندەرىڭىز ۇمىتىلماستاي, ايرىقشا ەستە قالۋى ءۇشىن ءبىز ءوز تاراپىمىزدان بارلىق جاعدايدى جاسايمىز. استاناعا قوش كەلدىڭىزدەر!, – دەدى قالا اكىمى اسەت يسەكەشەۆ.
سونداي-اق, استانانىڭ قوناقجايلىلىعى تۋرالى «Astana Group» پرەزيدەنتى نۇرلان سماعۇلوۆ, قازاق ۇلتتىق ۋنيۆەرسيتەتىنىڭ رەكتورى ايمان مۇساقوجاەۆا, تانىمال ۆولەيبولشى سابينا التىنبەكوۆا, نازارباەۆ ۋنيۆەرسيتەتىنىڭ پرەزيدەنتى شيگەو كاتسۋ دا اڭگىمەلەدى.
