ەلباسى نۇرسۇلتان نازارباەۆ «استانا باس جوسپارى» عىلىمي-زەرتتەۋ جوبالاۋ ينستيتۋتى» جاۋاپكەرشىلىگى شەكتەۋلى سەرىكتەستىگىندە بولدى, دەپ حابارلادى پرەزيدەنتتىڭ ءباسپاسوز قىزمەتى.
مەملەكەت باسشىسىنا ەلوردانىڭ ساۋلەت جانە قالا قۇرىلىسى سالاسىندا اتقارىلىپ جاتقان جۇمىستاردىڭ نەگىزگى ناتيجەلەرى تۋرالى باياندالدى.
سونىمەن قاتار, ەلباسى جول-كولىك جانە الەۋمەتتىك-مادەني سالالارداعى بىرقاتار ينفراقۇرىلىم نىساندارىنىڭ, سونىڭ ىشىندە جولداردىڭ جانە قالا تۇرعىندارىنا ارنالعان دەمالىس ورىندارىنىڭ قۇرىلىس جوسپارلارىمەن تانىستى.
نۇرسۇلتان نازارباەۆ استانانىڭ ينفراقۇرىلىمىن ودان ءارى دامىتۋ جانە جەتىلدىرۋ جونىندە شارالار قابىلداۋ قاجەتتىگىن اتاپ ءوتتى.
سوڭىندا قازاقستان پرەزيدەنتى بىرقاتار ناقتى تاپسىرما بەردى.
