ەلوردا مەكتەپتەرىندە جان باسىنا شاققانداعى قارجىلاندىرۋ وزگەرۋى مۇمكىن, دەپ حابارلايدى astana-akshamy.kz
الداعى ەكى جىلدا قالانىڭ ورتا ءبىلىم بەرۋ سالاسىنا 5 ملرد تەڭگەگە جۋىق قارجى ءبولۋ ۇسىنىلدى.
ەلوردانىڭ قوعامدىق كەڭەس وتىرىسىندا استانا قالاسىنىڭ 2024-2026 جىلدارعا ارنالعان بيۋدجەتىنە وزگەرىستەر ەنگىزۋ ماسەلەسى قارالدى.
«ءبىلىم باسقارماسىنا وقۋلىقتاردى ساتىپ الۋعا جانە جەتكىزۋگە, مەملەكەتتىك ورتا ءبىلىم بەرۋ ۇيىمدارىندا جان باسىنا شاققانداعى قارجىلاندىرۋدى ىسكە اسىرۋعا, 24 بالاباقشانى اعىمدىق جوندەۋگە, ۆەدومستۆولىق باعىنىستى مەكەمەلەر مەن ۇيىمداردىڭ كۇردەلى شىعىستارىنا جالپى سوماسى 4 ملرد 792 ملن تەڭگە قاراجات قاراستىرۋ ۇسىنىلىپ وتىر», – دەدى استانا قالاسى ەكونوميكا جانە بيۋدجەتتى جوسپارلاۋ باسقارماسىنىڭ باسشىسى قايسار ماڭقاراەۆ قوعامدىق كەڭەس الدىندا.
