قر ۇلتتىق مۋزەيىندە قازاقستاننىڭ ەڭبەك سىڭىرگەن قايراتكەرى, كومپوزيتور تولەگەن مۇحامەدجانوۆ پەن قازاقستان جانە تاتارستان حالىق ءارتىسى نۇرجامال ۇسەنباەۆا ەكسكۋرسيا جۇرگىزدى, دەپ حابارلايدى astana-akshamy.kz
«استانا» زالىندا «جۇلدىزدى گيدتەر» تاۋەلسىز قازاقستان استاناسىنىڭ پايدا بولۋى, قالىپتاسۋى مەن دامۋ تاريحىن بەينەلەيتىن ماڭىزدى نورماتيۆتىك-قۇقىقتىق اكتىلەر, ەكسپوناتتار, فوتوقۇجات ماتەريالدارىنىڭ جيناعى تۋرالى ايتىپ بەردى.
نۇرجامال ۇسەنباەۆانىڭ ايتۋىنشا, مۋزەيدەگى گيد ءرولى ول ءۇشىن ەرەكشە تاجىريبە بولعان.
مۋزەيلەردى ارالاۋ – ءبىزدىڭ مادەني ءومىرىمىزدىڭ اجىراماس بولىگى. بۇگىنگى تاڭدا مۋزەي ءىسىن ناسيحاتتاۋ جانە دامىتۋ ءۇشىن ۇلكەن جۇمىس جۇرگىزىلىپ جاتقانى قۋانتادى, سونداي-اق بۇگىنگى ءىس-شارادا ءبىز ەكسكۋرسيا جۇرگىزىپ, ءوز ۇلەسىمىزدى قوسۋعا مۇمكىندىك تۋدى, – دەدى ول.
ايتا كەتەيىك, «جۇلدىزدى گيد» جوباسى اياسىندا ونەر يەلەرىنىڭ ماراپاتتارى, وردەندەرى مەن شىعارماشىلىق كوستيۋمدەرى جانە اندەر جيناعى سياقتى جەكە زاتتارى ۇسىنىلعان كورمە ۇيىمداستىرىلدى. ەكسپوزيتسيالار مۇراجاي قورىنا بەرىلدى.
ۇلتتىق مۋزەيدە «جۇلدىزدى گيد» جوباسى 2015 جىلدان باستاپ جۇزەگە اسىرىلىپ كەلەدى.
