ەلوردا ەپيدەميولوگيالىق جاعدايدى باعالاۋ ماتريتساسىنا سايكەس 15 جەلتوقساننان باستاپ «جاسىل» ايماقتا بولاتىن. الايدا كۆي قارقىنىنىڭ وسۋىنە بايلانىستى نۇر-سۇلتان قايتادان «سارى» ايماققا قايتا ورالدى.
ەلوردانىڭ سانيتارلىق-ەپيدەميولوگيالىق باقىلاۋ دەپارتامەنتىنىڭ مالىمەتىنشە, بۇگىنگى تاڭدا كوروناۆيرۋستىق ينفەكتسيانىڭ دامۋ قارقىنى بويىنشا RT رەپرودۋكتيۆتى سانى 1,019 قۇرادى, وعان سايكەس نۇر-سۇلتان قالاسى «سارى» ايماققا ءوتتى. RT رەپرودۋكتيۆتى سانى ايماقتاردى انىقتاۋ كريتەريلەرىنىڭ ءبىرى بولىپ سانالادى.
اپتالىق جۇقتىرۋ كورسەتكىشىن سالىستىرار بولساق, ءوسۋ بايقالادى. ماسەلەن, ءبىر اپتا ىشىندە COVID-19 ينفەكتسياسىنىڭ 564 جاعدايى تىركەلدى (الدىڭعى اپتادا – 542 جاعداي), كوروناۆيرۋستىق ينفەكتسيامەن سىرقاتتانۋشىلىقتىڭ قارقىندى كورسەتكىشى تيىسىنشە 47,5 جانە 45,6 قۇرادى, ياعني سىرقاتتانۋشىلىق كورسەتكىشى الدىڭعى اپتادان 4%-عا جوعارى بولدى, بۇل Rt سانىنىڭ 1-دەن جوعارى وسۋىنە جانە «جاسىل» ايماقتان «سارىعا» اۋىسۋىنا اكەپ سوقتى.
مەرەكە كۇندەرى اۋرۋدىڭ كوبەيۋىنىڭ نەگىزگى سەبەپتەرى كەيبىر تۇرعىنداردىڭ كارانتيندىك شەكتەۋلەردى ساقتاماۋى: ادام كوپ جينالاتىن جەرلەرگە بارۋ, ماسكا رەجيمىن ساقتاماۋ, پاتسيەنتتەر مەن جاقىن بايلانىستا بولعان ادامدار ءۇشىن ءۇي كارانتينىن ساقتاماۋ.
«كوروناۆيرۋستىڭ تارالۋ قاۋپىن جانە مەرەكەدەن كەيىنگى وڭ جاعدايلاردى تىركەۋ سانىنىڭ ارتۋىن ەسكەرە وتىرىپ, «Ashyq» جوباسىنا قاتىساتىن وبەكتىلەردە وتكىزىلەتىن ءىس-شارالاردى قوسپاعاندا, بارلىق كەلۋشىلەر مەن قىزمەتكەرلەردە «جاسىل» ستاتۋس بولعان كەزدە عانا 50%-عا دەيىن, بىراق 70 ورىننان اسپايتىن جاعدايدا, جاپپاي ءىس-شارالارعا, ونىڭ ىشىندە وتباسىلىق, كورپوراتيۆتىك ءىس-شارالارعا تىيىم سالىنعانىن ەسكە سالامىز. الداعى مەرەكە كۇندەرى مونيتورينگتىك توپتاردىڭ جۇمىسى كۇشەيتىلەدى. ساۋدا جانە باسقا دا نىسانداردىڭ يەلەرى كارانتيندىك شەكتەۋلەردى بۇزباۋى, سانيتارلىق نورمالاردى تولىقتاي ساقتاۋى ءتيىس» دەپ ەسكەرتتى قالالىق سانيتارلىق-ەپيدەميولوگيالىق باقىلاۋ دەپارتامەنتىندە.
ەلوردا تۇرعىندارى مەن قوناقتارى وتكەن مەرەكە كۇندەرى كارانتيندىك شارالاردى ساقتاسا, قالانىڭ «سارى» ايماققا كوشۋىنە جول بەرمەۋگە بولاتىن ەدى. شەكتەۋ شارالارى مەن ساننورمالارعا نەمقۇرايلى قاراۋ ەلوردانىڭ 7 اي بويى (10 ناۋرىزدان 26 قازانعا دەيىن) بولعان «قىزىل» ايماققا جاقىنداۋ قاۋپىن ارتتىرادى.
الداعى جاڭا جىلدىق مەرەكەلەر ەپيدەميولوگيالىق جاعدايدىڭ ناشارلاۋىنا جانە كوروناۆيرۋستىق ينفەكتسيامەن سىرقاتتانۋشىلىقتىڭ وسۋىنە اكەپ سوقتىرماۋى ءتيىس, بۇل ءاربىر ازاماتتىڭ مىنەز-قۇلقىنا جانە الدىن الۋ شارالارىن ۇستانۋىنا تىكەلەي بايلانىستى. سوندىقتان قالا تۇرعىندارىن جاڭا جىلدى شاعىن ورتادا, تۋىستارىمەن بىرگە قاۋىپسىز تۇردە اتاپ وتكەنى ابزال.
