ەلوردادا جالپىقالالىق جانە كوممۋنالدىق سەنبىلىكتەر, سونداي-اق اعاش وتىرعىزۋ ءىس-شارالارى جوسپارلانىپ وتىر. وسىعان وراي, «Birge – taza Qazaqstan» رەسپۋبليكالىق اكتسياسى اياسىندا 16 ءساۋىر مەن 16 مامىر ارالىعىندا ەكولوگيالىق ايلىق وتەدى.
ەكولوگيالىق ايلىق اياسىندا قالادا مىناداي شارالار جۇرگىزىلەدى: نوسەر جانە ارىق-ناۋالىق كارىز جەلىلەرىن سانيتارلىق تازارتۋ, كوشەلەردى, تروتۋارلار مەن وزگە دە اۋماقتاردى قوقىستان تازارتۋ, ساياباقتار مەن گۇلزارلاردا ەگىلگەن كوشەتتەردى كۇتۋ جونىندەگى ماۋسىمدىق اگروتەحنيكالىق جۇمىستار, كوگالدار مەن گۇلزارلار ورناتۋ, رۇقسات ەتىلمەگەن تۇستارعا تاستالعان قوقىستاردى, لاستانعان ۋچاسكەلەردى تازارتۋ.
سونىمەن قاتار, 16 ساۋىردە ەلوردادا جالپىقالالىق سەنبىلىك وتەدى. بۇل رەتتە قالانىڭ بارلىق كاسىپورىندارىن, ميب (پيك), شاعىن جانە ورتا بيزنەس سۋبەكتىلەرىن, ۆولونتەرلەر مەن بەلسەندى قالا تۇرعىندارىن سەنبىلىككە قاتىسۋعا شاقىرامىز. سەنبىلىككە قاتىسۋشىلار ارنايى قۇرالدارمەن (كۇرەك, تىرما), قولعاپتارمەن جانە قاپتارمەن قامتاماسىز ەتىلەدى.
سونداي-اق ەلوردا تۇرعىندارى مەن قوناقتارى جالپىقالالىق سەنبىلىكتەرگە ءوز باستاماسىمەن قاتىسىپ, كۆارتالىشىلىك ء(ۇي ماڭىنداعى) اۋماقتاردى تازالاي الادى.
ودان كەيىنگى سەنبى, ياعني 23 ساۋىردە باس شاھاردا جالپىقالالىق سەنبىلىك جانە جاپپاي اعاش وتىرعىزۋ ءىس-شاراسى وتەدى. بۇل رەتتە قالا اۋماعىن قىس مەزگىلىنەن كەيىن تازارتۋ, رەكرەاتسيالىق ايماقتاردى, ساياباقتاردى, گۇلزارلاردى, اۋلالاردى, سونداي-اق ساۋدا نىساندارىنا, قوعامدىق تاماقتانۋ ورىندارىنا جانە باسقا دا ۇيىمدارعا ىرگەلەس اۋماقتاردى جيناۋ جوسپارلانىپ وتىر.
الماتى اۋدانىنىڭ تۇرعىندارى مىنا مەكەنجايلاردا اعاش وتىرعىزا الادى: قوشقارباەۆ داڭعىلى, تاۋەلسىزدىك كوشەسىنەن سارىكول كوشەسىنە دەيىن, مومىشۇلى داڭعىلى, فۋتبول فەدەراتسياسى اۋماعى, ب.مومىشۇلى گۇلزارى, ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترى, ەسىل وزەنى بويىنداعى ساياباق, 1-كەزەك, جۇرگەنوۆ كوشەسى, ازىرباەۆ كوشەسىنەن بولەكپاەۆ كوشەسىنە دەيىن.
بايقوڭىر اۋدانىندا اعاش وتىرعىزۋ ءىس-شاراسى مىنا تۇستاردا وتەدى: جۇبانوۆ, 9; اسان قايعى, 8; تاشەنوۆ, 17/1; رەسپۋبليكا, 26; يمانوۆ, 44; باراەۆ, 21; جۇبانوۆ, 4; كەنەسارى, 70ا; كەنەسارى, 42, 44, 46; ءۋاليحانوۆ, 9/1, 9/2, 9/3; بوگەنباي, 56; كەنەسارى, 50.
ەسىل اۋدانىندا اعاش وتىرعىزۋ ءىس-شاراسى بوتانيكالىق باقتا, جەلىلىك ساياباقتا جانە ق.مۇحامەدحانوۆ كوشەسىندە (ش.ايتماتوۆ كوشەسىنەن تۇران داڭعىلىنا دەيىن) وتەدى. سول سياقتى كاسىپورىنداردىڭ, ۇيىمداردىڭ جانە ت.ب. ەڭبەك ۇجىمدارىمەن ىرگەلەس كوگالدى تۇستار اۋماعىنا اعاش وتىرعىزۋ جانە ماڭايىن قوقىستان تازارتۋ جوسپارلانىپ وتىر.
سارىارقا اۋدانىندا كوشەلەر عانا ەمەس, قالادان سىرتقارىراق ورنالاسقان ەلدى مەكەندەر دە كوگالداندىرىلادى. مىسالى, كوكتال-2 ەلدى مەكەنىنىڭ اقمولا جانە ۇلىتاۋ كوشەلەرى بويىندا وتىرعىزىلادى. سونداي-اق اۋدان تۇرعىندارىمەن, كاسىپورىندار مەن ۇيىمداردىڭ, مەملەكەتتىك مەكەمەلەردىڭ ەڭبەك ۇجىمدارىمەن جانە ت.ب. ىرگەلەس كوگالدى تۇستاردا جاپپاي اعاش وتىرعىزۋ جانە اۋماقتى تازارتۋ جوسپارلانىپ وتىر.
جالپىقالالىق سەنبىلىكتەردىڭ نەگىزگى ماقساتى قوعامنىڭ نازارىن قالا كوشەلەرىندە تازالىقتى ساقتاۋ جانە ەكولوگيالىق مادەنيەتتى قالىپتاستىرۋ ماسەلەلەرىنە اۋدارۋ بولىپ سانالادى. وسىلايشا, قالا تۇرعىندارى مەن ۇيىمدارى كوشەلەر مەن اۋلالاردى اباتتاندىرۋدى جاقسارتۋعا ءوز ۇلەسىن قوسا الادى.
«Birge – taza Qazaqstan» رەسپۋبليكالىق اكتسياسى اياسىندا ەلوردادا اپتا سايىنعى سەنبىلىكتەرگە 80 مىڭنان استام ادام, 10 مىڭ كاسىپورىن مەن ۇيىم قاتىسادى دەپ كۇتىلىپ وتىر. ەكولوگيالىق اكتسيا اياسىندا جالپى اۋدانى 5,5 ملن شارشى مەتردەن استام ساياباقتار مەن گۇلزارلار تازارتىلىپ, 12 مىڭنان استام كوشەت وتىرعىزىلاتىن بولادى.
