قر تاۋەلسىزدىگىنىڭ 25 جىلدىعىن مەرەكەلەۋ اياسىندا تولەگەن ايبەرگەنوۆ اتىنداعى №16 ورتا مەكتەپتە «ەڭ ۇزدىك سىنىپ جەتەكشىسى» جالپى مەكتەپىشىلىك كونكۋرسى ءوتتى. بايقاۋدا 11 سىنىپ جەتەكشىسى بەس نوميناتسيادا سايىسقا ءتۇستى.
ءبىرىنشى كەزەڭدە سىنىپ جەتەكشىلەرى «مەنىڭ پەداگوگيكالىق ۇستانىمىم» تاقىرىبىندا ەسسە جازىپ, سىنىپ تۋرالى جارنامالىق كىتاپشالارىن تانىستىردى.
كەلەسى نوميناتسيادا پەداگوگتار اشىق سىنىپ ساعاتتارىن وتكىزدى. بۇل ولاردىڭ وقۋشىلارمەن ءوزارا سىيلاستىق قاتىناس قۇرۋ, ءاربىر وقۋشىنى تاقىرىپتى تالقىلاۋعا تارتا ءبىلۋ قاسيەتتەرىن كورۋگە مۇمكىندىك بەردى. باعالاۋ كەزىندەگى باستى كريتەري ساباقتىڭ مازمۇنى, ونى وتكىزۋ ادىستەرى مەن نىسانى بولدى. كونكۋرس بارىسىندا قاتىسۋشىلار «سىنىپ جەتەكشىسىنىڭ ومىرىنەن ءبىر كۇن» بەينەروليگىنىڭ اۆتورى اتاندى. بۇدان باسقا, سىنىپ جەتەكشىلەرى ءوز شىعارماشىلىق ونەرلەرىن ورتاعا سالدى.
«ەڭ ۇزدىك سىنىپ جەتەكشىسى» بايقاۋىنىڭ گران-ءپريى مەن «ەڭ ۇزدىك سىنىپ جەتەكشىسى» اتاعى گۋليستان ۋرينباساروۆاعا بۇيىردى.
ءبىرىنشى ورىندى سىمبات وماروۆا مەن ايگۇل دولاپوۆا ءوزارا ءبولىستى. اياۋلىم احمەتبەكوۆا ەكىنشى, روزا اكياروۆا ءۇشىنشى ورىندا.
قالعان قاتىسۋشىلار نومينانت اتانىپ, گراموتالارمەن جانە باعالى سىيلىقتارمەن ماراپاتتالدى.
كونكۋرس وقۋشىلاردى تاربيەلەۋدىڭ يننوۆاتسيالىق ادىستەرىن انىقتاۋ, كاسىبي دامۋ, شىعارماشىل سىنىپ جەتەكشىلەرىنە قولداۋ كورسەتۋ ماقساتىندا وتكىزىلدى.
