مەملەكەت باسشىسى نۇرسۇلتان نازارباەۆ «قازمەديا» ورتالىعىندا «قازاقستاننىڭ 100 جاڭا ەسىمى» جوباسىنىڭ جەڭىمپازدارىمەن كەزدەستى. ايتۋلى جوبادا ەسىم-سويى ەرەكشەلەنگەن 29 جاستىڭ 15-ءى, ياعني تەڭ جارتىسى – استانا قالاسىنىڭ تۇرعىنى. بۇل ەلوردا جاڭا يدەيا مەن جاستار ەنەرگياسىنىڭ سيمۆولىنا اينالعانىن ايعاقتايدى.
تاۋەلسىزدىك جىلدارىندا قالىپتاسقان ەلىمىزدىڭ ەرەكشە تالانتتى جانە تۇلعالىق سيپاتقا يە ادامدارىن انىقتاۋعا باعىتتالعان رەسپۋبليكالىق بۇل جوبانىڭ ەكىنشى ماۋسىمى 2018 جىلدىڭ قىركۇيەك ايىندا باستالدى.
بۇل جولعى «100 جاڭا ەسىمگە» قاتىسۋعا 2388 ءوتىنىم بەرىلگەن. ساراپشىلار توبى جوبا تالاپتارىنا ساي 200 ۇمىتكەردى انىقتاعان. سوڭىندا ونلاين داۋىس بەرۋ ارقىلى 29 ادام جەڭىمپاز رەتىندە تانىلدى. ولاردىڭ قاتارىندا قوعام, سپورت, ءبىلىم, مادەنيەت, بيزنەس, ءىت, مەديتسينا, عىلىم جانە باق سالاسىنىڭ ماماندارى بار.
