استانا اكىمى اسەت يسەكەشەۆتىڭ توراعالىعىمەن اكىمدىكتە اپتالىق اپپارات جينالىسىنىڭ كەزەكتى وتىرىسى ءوتتى. وندا قالا كوشەلەرىن جارىقتاندىرۋ, جىلىتۋ ماۋسىمىنىڭ بارىسى, قاۋىپسىزدىكتى قامتاماسىز ەتۋ, كوشەلەردى قاردان تازالاۋ ماسەلەلەرى تالقىعا سالىندى, دەپ حابارلايدى ەلوردا اكىمدىگىنىڭ مەديا ورتالىعى.
اكىمدىك اپپاراتىنىڭ كەزەكتى كەڭەسىن اشقان اسەت يسەكەشەۆ استانانىڭ «التىن ساپا» پرەزيدەنت سىيلىعىنىڭ يەگەرى اتانعانىن جەتكىزدى.
«يندۋستريالاندىرۋ كۇنى اياسىندا استانا بيزنەستى جۇرگىزۋدىڭ وڭايلىعى رەيتينگىندە وڭىرلەر اراسىندا العاشقى جەڭىمپاز اتانىپ, مەملەكەت باسشىسىنىڭ «ەڭ ۇزدىك بيزنەس ورتا «حان ءتاڭىرى» اتتى ارنايى سىيلىعىنا يە بولدى. استانالىق ەكى كاسىپورىن – «مەديكەر-پم» مەن «School Bus» سەرىكتەستىكتەرى «التىن ساپا» بايقاۋىنىڭ جەڭىمپازى اتاندى. تاعى ەكى كاسىپورىن قر ۇلتتىق كاسىپكەرلەر پالاتاسىنىڭ ارنايى سىيلىعىمەن ماراپاتتالدى. اتاپ ايتساق, بۇل زەرتحانالىق دياگنوستيكا بويىنشا مەديتسينالىق قىزمەت كورسەتەتىن «مىرزا-حان» مەن «استانا-تەحنادزور» كومپانيالارى» دەدى ەلوردا اكىمى.
