استانادا دۇنيەجۇزىلىك ينسۋلتپەن كۇرەس كۇنىنە وراي ينسۋلتتىڭ الدىن الۋعا باعىتتالعان اكتسيا ءوتىپ جاتىر.
2016 جىلدىڭ 29 قازانىنان باستاپ بەس ءىرى ساۋدا ورتالىعىندا («حان شاتىر», Mega, «سارىارقا», Astana Mall, «كەرۋەن») ارتەريالدى قان قىسىمىن ولشەۋگە ارنالعان ەلەكتروندىق تونومەترى بار تىرەكتەر ورناتىلادى.
اكتسيانى استانا قالاسى اكىمدىگىنىڭ قولداۋىمەن استانا قالاسىنىڭ دەنساۋلىق ساقتاۋ باسقارماسى, «ۇلتتىق نەيروحيرۋرگيا ورتالىعى» اق, «ADHARA» جشس ءسوس قو-مەن بىرلەسىپ ۇيىمداستىرادى.
شارا حالىق اراسىندا ينسۋلتتىڭ الدىن الۋ جۇيەسىنىڭ تيىمدىلىگىن, قازاقستاندىقتاردىڭ ءوز دەنساۋلىعى مەن قان اينالىمى جۇيەسىنىڭ اۋرۋلارىن جانە ولاردىڭ ۋشىعۋلارىن ۋاقىتىندا انىقتاۋ ءۇشىن ورتاق جاۋاپكەرشىلىگىن ارتتىرۋعا; قوعامن نازارىن ينسۋلتتاردىڭ ورشۋىنەن تۋىنداعان پروبلەمانىڭ وزەكتىلىگىنە اۋدارۋعا باعىتتالعان.
مامانداردىڭ ايتۋىنشا, ينسۋلتتاردىڭ باستى سەبەبى جوعارى قان قىسىمى بولىپ تابىلادى, وسىعان بايلانىستى ونى باقىلاپ, ۋاقىتىندا ولشەپ تۇرۋ الدىن الۋدىڭ وزەكتى مىندەتى بولىپ تابىلادى. پروفيلاكتيكا اۋرۋعا اسەر ەتۋمەن بايلانىستى عانا ەمەس, سونىمەن قاتار قاۋىپ فاكتورلارىنا دا اسەر ەتەتىن ناتيجە بەرەدى. بۇل اۋرۋدىڭ الدىن الۋعا نەمەسە ىقتيمال اسقىنۋلارعا جول بەرمەي, ەرتە كەزەڭدە اۋرۋدىڭ ءوتۋىن ءتيىمدى باقىلاۋعا الۋعا مۇمكىندىك بەرەدى.
استانا قالاسى دەنساۋلىق ساقتاۋ باسقارماسىنىڭ مالىمەتتەرىنە سايكەس, 2016 جىلدىڭ 9 ايىندا العاش رەت انىقتالعان ينسۋلتپەن 161 ادام ديسپانسەرلىك ەسەپكە الىنعان.
astana.gov.kz
