بيىلدان باستاپ ەلىمىزدە مىندەتتى الەۋمەتتىك مەديتسينالىق ساقتاندىرۋ جۇيەسىن كەزەڭ-كەزەڭىمەن ەنگىزىلۋ باستالدى. 57 ەلدىڭ تاجىريبەسى ەسكەرىلگەن بۇل زاڭ جوباسىن ەلىمىزدىڭ دەنساۋلىق ساقتاۋ جانە الەۋمەتتىك دامۋ مينيسترلىگى مەن دۇنيەجۇزىلىك بانك ساراپشىلارى 3 جىل بويى دايىندادى. بۇگىندە فرانتسيادا حالىقتىڭ 80, گەرمانيادا 90, بەلگيادا 98 پايىزى مىندەتتى مەديتسينالىق ساقتاندىرۋمەن قامتىلعان.
وسى ساقتاندىرۋ پاكەتى بويىنشا قانداي قىزمەت تۇرلەرى كورسەتىلەتىندىگىن كوپشىلىك بىلە بەرمەيدى. قالالىق دەنساۋلىق ساقتاۋ باسقارماسى قالا تۇرعىندارى ءۇشىن وسىنى ءتۇسىندىرۋ جۇمىستارىن جۇرگىزۋ ماقساتىندا ءتۇرلى شارالار ۇيىمداستىرىپ كەلەدى. سونىڭ ءبىرى سەنبى كۇنى فلەشموب تۇرىندە ءوتتى.
ستۋدەنتتەر ساياباعىندا وتكىزىلگەن شاراعا مەديتسينالىق ۇيىمدار, قالا تۇرعىندارى مەن قوناقتارى قاتىستى. 800-دەن استام ادام قاتىسقان فلەشموب اياسىندا دەنساۋلىق قالاشىعى ۇيىمداستىرىلىپ, كەلۋشىلەر دەنساۋلىعىن تەكسەرتىپ, دارىگەرلەردەن كەڭەس الدى.
الەۋمەتتىك مەديتسينالىق ساقتاندىرۋ جۇيەسى بويىنشا قارجىنىڭ بەلگىلى ءبىر بولىگىن ازاماتتار تولەيتىندىكتەن, ولار وزدەرى قالاعان مەديتسينالىق مەكەمەدە ەمدەلۋگە قۇقىلى. الداعى ۋاقىتتا ناۋقاستار مەديتسينالىق مەكەمەنى دە, دارىگەردى دە تاڭداي الاتىن بولادى. ەلىمىزدە جەكەمەنشىك ەمحانالار جەتكىلىكتى. جاڭا جۇيە مەديتسينالىق مەكەمەلەر اراسىنداعى باسەكەلەستىكتى ارتتىرا وتىرىپ, قىزمەت كورسەتۋ ساپاسىنا ىقپال ەتەدى. شارانى ۇيىمداستىرۋشىلاردىڭ ايتۋىنشا, مۇنداي تۇسىندىرمە جۇمىستارىن ءار دەمالىس سايىن وتكىزۋ جوسپارلانىپ وتىر.
گۇلجان راحمان
