ەلوردادا №4 قالالىق ەمحانا بۇعان دەيىن №8 ەمحانا قىزمەت كورسەتىپ كەلگەن اۋماقتا جۇمىس ىستەيتىن بولادى. بۇل تۋرالى astana.kz سايتىنا قالالىق دەنساۋلىق ساقتاۋ باسقارماسىنان حابارلادى.
جاڭا ەمحانالاردىڭ اشىلۋىنا جانە قىزمەت كورسەتۋ شەكاراسىنىڭ وزگەرۋىنە بايلانىستى بۇعان دەيىن №8 ەمحانا قىزمەت كورسەتىپ كەلگەن اۋماققا جاڭا مەكەنجايدا قىزمەت كورسەتىلەتىن بولادى. اتاپ ايتقاندا, رەسپۋبليكا داڭعىلى 2/1 – رەسپۋبليكا داڭعىلى 18, كەنەسارى كوشەسى 42 – كەنەسارى كوشەسى 50, ءۋاليحانوۆ كوشەسى 1 – ءۋاليحانوۆ كوشەسى 9, باراەۆ كوشەسى 1 – باراەۆ كوشەسى 25 ءۇي تۇرعىندارىنا, ياعني, جالپى تاجىريبەدەگى دارىگەرلەر بولىمدەرىنىڭ نومەرلەرى 81-88 ۋچاسكەلەرىنە بۇدان ەندى شەۆچەنكو كوشەسى, 1 عيماراتىندا ورنالاسقان №4 قالالىق ەمحانادا مەديتسينالىق قىزمەت كورسەتىلەدى.
بيىلعى 10 اقپاننان باستاپ 188-كوشە, 8 ۇيدە №10 قالالىق ەمحانانىڭ عيماراتىن كەزەڭ-كەزەڭمەن پايدالانۋعا بەرۋگە بايلانىستى جالپى تاجىريبەدەگى دارىگەرلەر №4 جانە №5 قالالىق ەمحانالار ۋچاسكەسىنىڭ تۇرعىندارىن قابىلداي باستادى. اتاپ ايتقاندا, №4 قالالىق ەمحانانىڭ 14, 15, 16, 25, 26, 28, 31, 32 جانە №5 قالالىق ەمحانانىڭ 51, 53, 54, 52, 55, 56 ۋچاسكەلەرىنىڭ تۇرعىندارى №10 ەمحانادا قارالادى.
ەمحانالاردا تۇرعىنداردى قابىلداۋعا بايلانىستى ورىن الىپ جاتقان بۇل وزگەرىستەر مەديتسينالىق قىزمەت كورسەتۋدىڭ ساپاسىن كوتەرۋگە جانە ەمدەلۋشىلەردى قابىلداۋدى جەڭىلدەتۋ ءۇشىن جاسالۋدا.
