شىلدە ايىنىڭ باسىندا ەلورداداعى №8 قالالىق ەمحانادا «كىتاپ وقى, وقىرمان!» شاراسى باستالدى. جوبانىڭ باستاماشىسى – نۇر-سۇلتان قالاسى ورتالىقتاندىرىلعان كىتاپحانالار جۇيەسى. باستى ماقسات – كىتاپ وقۋعا دەگەن قىزىعۋشىلىقتى ارتتىرۋ جانە ناسيحاتتاۋ.
– شارا اياسىندا ءبىز نۇر-سۇلتان قالاسىنىڭ ورتالىقتاندىرىلعان كىتاپحانا جۇيەسىمەن بىرلەسىپ, BookCrossing سورەلەرى بار كىتاپ شكافىن ۇيىمداستىردىق. ءارتۇرلى جاستاعى بالالارعا ارنالعان الۋان ءتۇرلى تاقىرىپتى قامتيتىن كىتاپتار سىيعا تارتىلدى. سوندىقتان كىشكەنتاي وقىرماندار كىتاپحانا قورىنان مىندەتتى تۇردە وزىنە ۇنايتىن كىتاپ تابا الادى, – دەيدى №8 قالالىق ەمحانانىڭ وڭالتۋ ءبولىمىنىڭ اعا مەدبيكەسى ءمادينا قالجانوۆا.
كىتاپحاناشىلار ادەبيەتتىڭ بىرنەشە توپتاماسىن دايىندادى. ولاردىڭ اراسىندا دەتەكتيۆتەر, ايەلدەرگە ارنالعان روماندار, فانتاستيكا, كلاسسيكتەردىڭ شىعارمالارى جانە ولەڭدەر دە بار. بۇل – ەلوردا تۇرعىندارى وزدەرىنىڭ جەكە كىتاپحانالارىنان سىيعا تارتقان كىتاپتار. كىتاپ سورەلەرى وقىرمانداردىڭ كىتاپ وقۋعا دەگەن قىزىعۋشىلىعىن ساقتاۋ ماقساتىندا ءارتۇرلى ادەبيەتتەرمەن ۇنەمى تولىعىپ وتىرادى.
كىتاپ شكافى ا.يمانوۆ كوشەسى, 44, 10-عيمارات مەكەنجايىندا №8 قالالىق ەمحاناسىندا ورنالاسقان.
