Nur Otan پارتياسى اتىنان اقتاۋ قالالىق ءماسليحات دەپۋتاتى بولۋعا ۇمىتكەرلەر اندرەي موگيلين مەن شامسادين گۋسەينوۆ «ماەك قازاتومونەركاسىپ» جشس ۇجىمىمەن كەزدەستى.
ۇجىم Nur Otan پارتياسىنىڭ الداعى 5 جىلداعى جۇمىس جوسپارىمەن تانىسىپ, پارتيانىڭ مەملەكەت پەن ءوڭىر ءۇشىن ماڭىزدى جۇمىستارى تۋرالى ءبىلدى.
كەزدەسۋدە ۇمىتكەرلەر بيىل الەمدە تارالعان ىندەتكە بايلانىستى ەلىمىزدىڭ دە باسقا ەلدەر سياقتى قيىن كەزەڭدى باستان كەشىرگەنىن, دەگەنمەن قيىندىقتارعا قاراماستان, Nur Otan پارتياسىنىڭ ەكونوميكانىڭ تۇراقتىلىعىن قامتاماسىز ەتۋ باعىتىندا جۇمىس ىستەپ جاتقانىن اتاپ ءوتتى. سونىمەن قاتار كانديداتتار پارتيانىڭ ماقساتى – جۇمىس ورىندارىن ساقتاپ قالۋ, جاڭا جۇمىس ورىندارىن اشۋ, سول ارقىلى حالىقتىڭ ءال-اۋقاتىن ارتتىرۋ ەكەنىن باسىپ ايتتى.
جىل سايىن «ەڭبەك» باعدارلاماسى اياسىندا رەسپۋبليكا كولەمىندە 700 مىڭ ادام جۇمىسپەن قامتىلادى. تۋريزم سالاسى دامىپ, 170 مىڭ جۇمىس ورنى قۇرىلادى. اۋىل شارۋاشىلىعىنا دا باسىمدىق بەرۋ ارقىلى 500 مىڭعا جۋىق ادام جۇمىسپەن قامتىلادى. بۇدان باسقا كاسىپكەرلىككە وقىتۋ, قايتا دايارلاۋ كۋرستارىنا قامتىلاتىن ادامدار سانى ۇلعايادى. جۇمىس كۇشى ارتىق وڭىرلەردەن جۇمىس كۇشى تاپشى وڭىرلەرگە كوشەتىن وتباسىلارعا قولداۋ كورسەتىلىپ, ەڭبەك قاۋىپسىزدىگى جاقسارادى.
«Nur Otan پارتياسى ەڭبەك داۋلارى مەن جانجالداردى شەشۋ ءتارتىبىن وڭتايلاندىرۋ, ەڭبەك زاڭناماسىن بۇزاتىن ادامدارعا قاتىستى جاۋاپكەرشىلىكتى قاتاڭداتۋ جونىندە زاڭناماعا تۇزەتۋلەر ەنگىزۋگە باستاماشىلىق جاساپ جانە ەڭ تومەنگى جالاقىنى كەزەڭ-كەزەڭىمەن ارتتىرۋ تۋرالى ماسەلەسىن العا قويىپ وتىر» دەدى دەپۋتاتتىققا ۇمىتكەرلەر.
شارا بارىسىندا كانديداتتار ۇجىمدى سايلاۋعا قاتىسىپ, Nur Otan پارتياسىنا داۋىس بەرۋگە شاقىردى. سونداي-اق قىزمەتكەرلەردىڭ باسقا دا سۇراقتارىنا جاۋاپ بەردى.