قر ءماجىلىس دەپۋتاتى بەرىك دۇيسەمبينوۆ, ءماجىلىس دەپۋتاتتىعىنا ۇمىتكەر عازيزا تاجىباەۆا, وبلىستىق فيليال توراعاسى جاڭبىرباي ماتاەۆ باستاعان رەسپۋبليكالىق شتاب مۇشەلەرى ماڭعىستاۋ وڭىرىنە ساپارى بارىسىندا «باگيس» جانە «كاپرەمسەرۆيس» كاسىپورىندارىنىڭ ۇجىمىمەن كەزدەستى.
كەزدەسۋدە «اق جول» دەموكراتيالىق پارتياسىنىڭ سايلاۋالدى باعدارلاماسى تانىستىرىلدى.
«وزدەرىڭىزگە بەلگىلى سايلاۋالدى ناۋقانى ءجۇرىپ جاتىر. بۇگىن ماڭعىستاۋ وبلىسىندامىز. ماڭعىستاۋ ءوڭىرى – «اق جول» پارتياسىنىڭ نەگىزگى تىرەگىنىڭ ءبىرى. قازاق «ەلۋ جىلدا – ەل جاڭا» دەگەن. ءبىزدىڭ باسقارۋ جۇيەمىزدە ۇلكەن ماسەلەلەر ساقتالىپ وتىرعانىنا ەلىمىزدە پاندەميا باستالعاندا كوزىمىز جەتتى. ءبىز قاي سالانى الساق تا جەمقورلىق جايلاپ, داعدارىسقا ۇرىنعانىن كورسەتتى. ءبىزدىڭ ۇسىنىسىمىز ەكونوميكالىق ساياسي تۇبەگەيلى وزگەرىستەر قاجەت, – دەدى ءماجىلىس دەپۋتاتى بەرىك دۇيسەمبينوۆ.
ال «اق جول» دەموكراتيالىق پارتياسىنىڭ جاستار قاناتىنىڭ جەتەكشىسى عازيزا باقتيارقىزى ماڭعىستاۋلىقتارعا پارتيا ۇسىنعان وسى وزگەرىستەردىڭ ىسكە اسۋى ءسىز بەن ءبىز تاڭداۋىمىزعا بايلانىستى دەپ, «اق جول» پارتياسىنا داۋىس بەرۋگە شاقىردى. كەزدەسۋگە قاتىسقان ۇجىم مۇشەلەرى «اق جول» پارتياسىنا اق جول تىلەپ, سايلاۋدا ويداعىداي ناتيجەگە قول جەتكىزۋىنە تىلەۋلەستىك ءبىلدىردى.
«اق جول» پارتياسىنىڭ ماڭعىستاۋداعى ۇگىت-ناسيحات توبىنىڭ ساپارى جالعاسۋدا. وسىدان بۇرىن پارتيانىڭ ۇگىت-ناسيحات توبى باتىس قازاقستان وبلىسىندا كەزدەسۋ وتكىزىپ, ورال قالاسىنداعى «بولاشاق-ت» كاسىپورنىنىڭ ەڭبەك ۇجىمىنىڭ جۇمىسشىلارىمەن الەۋمەتتىك ماسەلەلەر بويىنشا تالقى وتكىزگەن بولاتىن.