ەلوردادا مۇمكىندىگى شەكتەۋلى ازاماتتار ءۇشىن كوپتەگەن باعدارلامالار جاساقتالىپ, جۇمىستار جۇرگىزىلىپ جاتىر. سونىڭ ىشىندە ەرەكشە قاجەتتىلىكتەرى بار ازاماتتاردى جۇمىسپەن قامتۋ ماڭىزدى ماسەلە بولىپ تابىلادى.
2022 جىلى الماتى اۋدانىنان حالىقتى جۇمىسپەن قامتۋ ورتالىعىنا جۇمىس ىزدەۋ ماقساتىندا ەرەكشە قاجەتتىلىكتەرى بار 307 ادام جۇگىندى, ولاردىڭ 78-ءى ۆاحتەر, كونسەرج, تىگىنشى, باعدارلاماشى, بۋحگالتەر, مەديتسينالىق تىركەۋشى, SMM مەنەدجەر, قويما مەڭگەرۋشىسى جانە كۇزەتشى ماماندىقتارى بويىنشا جۇمىسقا ورنالاستىرىلدى.️
قازىر قالادا 30 000-نان استام مۇگەدەك تۇرادى. مۇگەدەكتەردى جۇمىسپەن قامتۋدى ىنتالاندىرۋ ءۇشىن كاسىپورىندار مەن ۇيىمدارعا جۇمىس ورىندارىنا كۆوتا بەلگىلەنگەن: جۇمىسكەرلەر سانى 50-دەن 100 ادامعا دەيىن بولعاندا – سانى 2%; 101-دەن 250 ادامعا دەيىن – 3%; 251-دەن استام ادام – 4%. 2023 جىلعا كۆوتا 692 جۇمىس بەرۋشىگە 5418 ورىنعا بەلگىلەندى.
تولىق اقپارات الۋ ءۇشىن الماتى اۋدانى ازاماتتارىنىڭ الەۋمەتتىك وسال ساناتىمەن جۇمىسقا ورنالاسۋعا جاردەمدەسۋ ءبولىمىنىڭ تەلەفوندارىنا: +7 700 956 9837, +7 (7172) 24-95-86, +7 (7172) 24-96-25 حابارلاسۋعا بولادى.
