استانا قالاسى اكىمدىگىنىڭ «استانا جاستارى» كمم-ءنىڭ ەرىكتىلەرى ەلوردادا جالعىز تۇراتىن زەينەتكەرلەردىڭ اۋلالارىن قاردان تازارتتى. قايىرىمدىلىق اكتسياسىنا 20-عا جۋىق ەرىكتى قاتىستى.
«استانا جاستارى» كمم-ءنىڭ وكىلدەرى مەن ەلوردالىق ەرىكتىلەر ەگدە ادامدار تۇراتىن ءۇش مەكەنجاي بويىنشا اۋماقتى قاردان تازارتۋعا كومەك كورسەتتى.
– قار كوپ جاۋعان كۇندەرى ءبىز جالعىزىلىكتى قارتتارعا كومەكتەسىپ, زەينەت جاسىنداعى ادامداردىڭ اۋلالارىنان قار شىعارۋعا قولعابىس ەتەمىز. ءبىز بىرىكسەك, بىتپەيتىن شارۋا جوق. وسى جولى ءۇش ۇيگە كومەكتەستىك, ءبىز – ەرىكتىلەر اينالامىزعا مەيىرىم مەن شۋاق شاشىپ ءجۇرمىز. قايىرىمدىلىق – ءبىزدىڭ باستى ۇستانىمىمىز, – دەدى «استانا جاستارى» جرو ۆولونتەرى ميراس مۋراتوۆ.
ال زەينەتكەرلەر استانا قالاسىنىڭ اكىمدىگى مەن ستۋدەنت جاستارعا العىس ايتتى.
– كەلىپ, كومەك بەرگەن بالالارعا العىسىم شەكسىز. سەبەبى اۋلانى قاردان تازالاۋ ماعان قيىن ەكەنى راس. جاستاردىڭ قيمىلى شيراق, بەلسەندىلىكتەرىنە ءتانتىمىن. ءبىزدى ۇمىتپاي, اركەز ەستەرىنە الىپ, كەلىپ كومەكتەسىپ جۇرگەن جاندارعا العىستان باسقا ايتارىم جوق, – دەدى ەلوردا تۇرعىنى تاتيانا ۆاسيلەۆنا.
قايىرىمدى ءىس ەلوردادا ۇنەمى وتكىزىلىپ تۇرادى. ول قىس مەزگىلى اياقتالعانشا جالعاسادى.
