استانا قالاسىنىڭ 2035 جىلعا دەيىنگى باس جوسپارى بەكىتىلدى. مەملەكەت باسشىسى قاسىم-
جومارت توقاەۆتىڭ تاپسىرماسى بويىنشا ازىرلەنگەن قالا قۇرىلىسىنىڭ نەگىزگى قۇجاتى قوعامدا كەڭىنەن تالقىلاۋدان ءوتتى. باس جوسپاردا ەلوردا تۇرعىندارى سانىنىڭ قارقىندى ءوسۋى ەسكەرىلىپ, قالانى ودان ءارى قارقىندى دامىتۋ ءىس-شارالارى قاراستىرىلعان. بۇگىنگى تاڭدا ەلوردادا شامامەن 1 ميلليون 200 مىڭ ادام تۇرادى, ال بولجام بويىنشا 2035 جىلعا قاراي استانالىقتار 2 ميلليون 300 مىڭ ادامعا جەتۋى مۇمكىن.
ەل ۇكىمەتى استانا قالاسىنىڭ 2035 جىلعا دەيىنگى باس جوسپارىن بەكىتتى. باس قۇجاتتا ەلوردانىڭ الەۋمەتتىك, تۇرعىن ءۇي-كوممۋنالدىق, كولىك جانە ەنەرگەتيكالىق ينفراقۇرىلىمىن ودان ءارى دامىتۋ جونىندەگى قادامدار بەلگىلەنگەن. بۇل تۋرالى ۇكىمەتتىڭ ءباسپاسوز قىزمەتى حابارلادى.
مەملەكەت باسشىسى قاسىم-جومارت توقاەۆتىڭ تاپسىرماسى بويىنشا ازىرلەنگەن استانانىڭ نەگىزگى قالا قۇرىلىسى قۇجاتى قوعامدا كەڭىنەن تالقىلاۋدان ءوتتى. وندا حالىق سانىنىڭ قارقىندى ءوسۋىن ەسكەرە وتىرىپ, قالانى قارقىندى دامىتۋ ءىس-شارالارى قاراستىرىلعان. بۇگىنگى تاڭدا ەلوردا تۇرعىندارىنىڭ سانى شامامەن 1,2 ملن ادامدى قۇرايدى, 2035 جىلعا قاراي اتالعان كورسەتكىش 2,3 ملن ادامعا جەتەدى دەپ كۇتىلۋدە.
باس جوسپاردا 164 مەكتەپ, 178 بالاباقشا جانە 93 دەنساۋلىق ساقتاۋ مەكەمەسىنىڭ قۇرىلىسى قاراستىرىلعان. 2029 جىلعا دەيىن 15 زاماناۋي وقۋشىلار سارايى سالىنادى. مۇنىڭ بارلىعى جەرگىلىكتى بيۋدجەت پەن جەكە ينۆەستيتسيالار ەسەبىنەن قارجىلاندىرىلادى.
ەلوردانىڭ تۇرعىن ءۇي قورىن 68,2 ملن شارشى مەترگە دەيىن, ال جول جەلىسىنىڭ ۇزىندىعىن 1000 شاقىرىمعا – 2,5 مىڭ شاقىرىمعا دەيىن ۇلعايتۋ جوسپارلانىپ وتىر. قوعامدىق كولىكتىڭ بالامالى تۇرلەرىن دامىتىپ, نەگىزگى ماگيسترالداردا, اسىرەسە ەسىل اۋدانىندا كەپتەلىستەردى جەڭىلدەتۋ ءۇشىن بەس ءىرى كوپىر سالۋ جوسپارلانعان.
سۋ تۇتىنۋ كولەمىنىڭ ءوسۋىن ەسكەرە وتىرىپ, ەرتىس-قاراعاندى كانالىنان تاۋلىگىنە 210 مىڭ تەكشە مەتر سۋ سوراتىن №4 سورۋ-ءسۇزۋ ستانتسياسى سالىنادى. بۇل رەتتە تەحنيكالىق سۋمەن قامتاماسىز ەتۋ ءۇشىن وندىرىستىك قۋاتى تاۋلىگىنە 160 مىڭ تەكشە مەترگە دەيىن جەتەتىن «تەلمان» سورعى ستانساسىن كەڭەيتۋ كوزدەلگەن.
جىلۋ جانە ەلەكتر ەنەرگياسى بويىنشا № 3 جىلۋ-ەلەكتر ورتالىعىنىڭ ەكىنشى كەزەگىن, ءتورت جاڭا گاز جىلۋ ستانساسىن سالۋ جانە № 2 جىلۋ-ەلەكتر ورتالىعىن كەڭەيتۋ, سونداي-اق 110/10 كۆ-تىق قۋاتى بار 14 قوسالقى ستانسانى ىسكە قوسۋ جوسپارلانعان. گازبەن جابدىقتاۋ ماسەلەلەرىن شەشۋ ءۇشىن قولدانىستاعى № 1 جانە № 2 اۆتوماتتاندىرىلعان گاز تاراتۋ ستانسالارىنىڭ قۋاتى ۇلعايتىلادى, سونداي-اق ۇزىندىعى 71 مىڭ شاقىرىمنان اساتىن جاڭا تارماق بويىنشا «سارىارقا» ماگيسترالدىق گاز قۇبىرىنا قوسىلاتىن № 3 اگتس سالىنادى.
سونىمەن قاتار وتكەن جىلى قوسىمشا 2 700 گەكتار جەر بولىنگەن استانانىڭ «جاسىل بەلدەۋىن» دامىتۋ جالعاسادى, وندا, سونداي-اق قوعامدىق جانە اۋلا اۋماقتارىن اباتتاندىرۋ شارالارى قابىلدانادى. 2025 جىلعا دەيىنگى باس جوسپاردى ىسكە اسىرۋعا بارلىق قارجى كوزدەرىنەن تارتىلاتىن ينۆەستيتسيا كولەمى 6,3 ترلن تەڭگەنى قۇرايدى. سونىڭ ىشىندە شامامەن 4,3 ترلن تەڭگە تۇرعىن ءۇي قۇرىلىسىنا جەكە ينۆەستيتسيا ەسەبىندە, ال 700 ملرد تەڭگە ينفراقۇرىلىمدىق جوبالارعا جۇمسالادى.
